అమరావతి: ఆళ్లగడ్డ పంచాయతీ సమస్య మరోసారి సమావేశంలో చర్చలు జరిగాయి. శుక్రవారంనాడు ప్రజాదర్బార్ హాలులో జరిగిన సమావేశంలో పరస్పరం కత్తులు దూసుకుంటున్న ఏవీ సుబ్బారెడ్డి, మంత్రి అఖిలప్రియ తన సోదరి వౌనిక, సోదరుడు బ్రహ్మానందరెడ్డిలతో కలిసి పాల్గొన్నారు. సమావేశంలో ఇద్దరి పద్ధతి బాగాలేదని చంద్రబాబు అసంతృప్తి వ్యక్తంచేసినట్లు తెలిసింది. గ్రూపులు కడితే చులకన అవుతామని హెచ్చరించారు.

హైదరాబాద్: ఎవరెన్ని అవాకులు చవాకులు పేలినా తెలంగాణ అభివృద్ధికి టీఆర్‌ఎస్‌ టీఆర్‌ఎస్‌ ప్రభుత్వం నీతి, నిజాయితీగా పని చేస్తున్నద‌ని పార్టీ అధ్యక్షుడు, తెలంగాణ ముఖ్యమంత్రి కే చంద్రశేఖర్‌ రావు అన్నారు. హైదరాబాద్‌లో ఏర్పాటు చేసిన పార్టీ 17వ ప్లీనరీ సమావేశంలో శుక్రవారం ఆయన మాట్లడారు. చరిత్రలో నిలిచిపోయేలా కాళేశ్వరం నిర్మిస్తుంటే కేసులు వేస్తున్నారని మండిపడ్డారు.

గుంటూరు: జిల్లాలోని మంగళగిరిలో భార్య మృతిని తట్టుకోలేక తన ఇద్దరు పిల్లలతో సహ తండ్రి ఆత్మహత్య చేసుకున్నాడు. వివరాలిలా ఉన్నాయి. మంగళగిరి పట్టణానికి చెందిన లక్ష్మీనారాయణ అనే వ్యక్తి భార్య గత రెండు రోజుల క్రితం మృతిచెందింది. అప్పటినుంచి దిగాలు చెందిన ఆయన భార్య మరణాన్ని తట్టుకోలేక తేజేశ్వర్‌, అమరేశ్వర్‌ అనే ఇద్దరు పిల్లలతో సహ శుక్రవారం ఆత్మహత్యకు పాల్పడ్డాడు.

బెంగళూరు, ఏప్రిల్ 26: కర్నాటక అసెంబ్లీ ఎన్నికల ప్రచారం మరింత ఉధృతిని సంతరించుకుంది. రంగంలోకి దిగిన ప్రధాని నరేంద్ర మోదీ అధికార కాంగ్రెస్‌పై తీప్ర పదజాలంతో విరుచుకుపడ్డారు. కులాల ప్రాతిపదికన సమాజాన్ని చీల్చేస్తోందని, అలాగే అబద్ధాల ప్రచారంతో అధికారాన్ని అంటిపెట్టుకుని ఉండాలన్న కుత్సిత వ్యూహమే కాంగ్రెస్ లక్ష్యమని మోదీ అన్నారు.