యాదగిరిగుట్ట, ఏప్రిల్ 28: యాదాద్రి శ్రీ లక్ష్మీనర్సింహ స్వామి దేవస్థానంలో స్వామి వారి జయంత్యుత్సవాల్లో భాగంగా శనివారం ఉదయం నిత్యారాధనలు, మూలమంత్ర జపములు, చతుర్విద పారాయణములు జరిగాయి. అనంతరం స్వామి, అమ్మవార్లకు లక్ష పుష్పార్చన కార్యక్రమం నిర్వహించారు.

హైదరాబాద్, ఏప్రిల్ 28: రాష్ట్రంలో వ్యవసాయ రంగానికి పెద్ద పీట వేస్తున్నామని ఐటి పురపాలక మంత్రి కె తారకరామారావు పేర్కొన్నారు. తార్నాకలోని ఐఐసీటీలో తెలంగాణ అకాడమి ఆఫ్ సైన్స్ యువ శాస్తవ్రేత్తలకు అవార్డుల ప్రదానోత్సవ కార్యక్రమానికి ఆయన హాజరయ్యారు. ఈ సందర్భంగా ఆయన యువ శాస్తవ్రేత్తలకు అవార్డులను ప్రదానం చేశారు. దేశంలో శాస్త్ర పరిశోధనలు అధికంగా జరుగుతున్నాయని కేటీఆర్ పేర్కొన్నారు.

హైదరాబాద్, ఏప్రిల్ 28: భారతదేశ రాజకీయల్లో గుణాత్మక మార్పుకోసం ఫెడరల్ ఫ్రంట్ ఏర్పాటు చేస్తున్నామని, ఈ అంశంపై తెలంగాణకు చెందిన ఎన్నారైలు ఆయా దేశాల్లో తెలుగువారు, భారతీయులతో చర్చించాలని సీఎం కే. చంద్రశేఖరరావు కోరారు. వివిధ దేశాలకు చెందిన ఎన్నారై ప్రతినిధులతో ప్రగతి భవన్‌లో శనివారం సమావేశమయ్యారు. అందరితో కలిసి మధ్యాహ్న భోజనం చేశారు.

హైదరాబాద్, ఏప్రిల్ 28: టీజేఏసీ చైర్మన్ పదవికి ప్రొఫెసర్ ఎం. కోదండరామ్ రాజీనామా చేశారు. ఆయన స్థానంలో టీజేఏసీ కన్వీనర్‌గా కె. రఘును ఎన్నుకున్నారు. ప్రొఫెసర్ కోదండరామ్ సారథ్యంలో ఇటీవల తెలంగాణ జన సమితి (టీజేఎస్) రాజకీయ పార్టీ ఏర్పాటైన సంగతి తెలిసిందే. అయితే ఆదివారం టీజేఎస్ ఆవిర్భావ సభ సరూర్‌నగర్ స్టేడియంలో జరగనుంది. సభలో కోదండరామ్‌ను పార్టీ అధ్యక్షునిగా ఎన్నుకుంటారు.