సికిందరాబాద్: వంట గ్యాస్ సిలిండర్లతో వెళ్తున్న ఓ లారీ దూసుకొచ్చి ఓ బైక్‌ను ఢీకొనడంతో సికిందరాబాద్‌లో మంగళవారం ఉదయం భీతావహ వాతావరణం నెలకొంది. ఈ ఘటనలో బైక్‌ను నడుపుతున్న యువకుడు అక్కడికక్కడే ప్రాణాలు కోల్పోయాడు. ఆనంద్ థియేటర్ వద్ద సుమారు రెండు కిలోమీటర్ల మేరకు వాహనాలు స్తంభించిపోయాయి.

మెదక్: మద్యం తాగడానికి డబ్బులివ్వలేదని ఆగ్రహించిన ఓ కుమారుడు కన్నతల్లినే గొడ్డలితో నరికి చంపేసిన ఉదంతం సోమవారం ఉదయం అల్లాదుర్గం మండలం ఐ.బి.తండాలో జరిగింది. తలకి తీవ్రంగా గాయమై రక్తస్రావం కావడంతో తల్లి అక్కడికక్కడే మరణించింది.

హైదరాబాద్, నవంబర్ 29:ఉపయోగంలో లేని బోరు బావులను మూసివేయాలని, ఉపయోగపడే బోరుబావుల చుట్టూ ఫెన్సింగ్ వేయాలని పంచాయితీరాజ్ శాఖ మంత్రి కె తారక రామారావు ఆదేశించారు. గ్రామీణ ప్రాంతాల్లోని బోరుబావులన్నింటిపై సర్వే నిర్వహించి వారం రోజుల్లో నివేదిక ఇవ్వాలని అధికారులను ఆదేశించారు. సుప్రీంకోర్టు ఇచ్చిన గైడ్‌లైన్స్ ప్రకారం ఉపయోగంలో లేని బోరుబావుల పూడ్చివేత, ఉపయోగించే వాటి చుట్టూ పెన్సింగ్ వేయాలని చెప్పారు.

హైదరాబాద్, నవంబర్ 29 : తెలంగాణలో 15/2015 నోటిఫికేషన్ ద్వారా ఆర్థిక - అకౌంట్స్ విభాగాల్లో అసిస్టెంట్ల నియామకానికి ఈ నెల 29వ తేదీన ఆబ్జెక్టివ్ పద్ధతిలో కంప్యూటర్ ఆన్ లైన్ ఒఎంఆర్ ఆధారితంగా ఎంపిక పరీక్ష ప్రశాంతంగా జరిగిందని తెలంగాణ పబ్లిక్ సర్వీసు కమిషన్ కార్యదర్శి పార్వతి సుబ్రమణియన్ తెలిపారు. ఈ పరీక్ష నిర్వహణకు 84 కేంద్రాలు ఏర్పాటు చేశామని, 55,239 మందికి హాల్‌టిక్కెట్లు జారీ చేశామని చెప్పారు.