ఈ పిల్లిని చూసి ముచ్చటపడని వారు లేరంటే నమ్మాలి. ముఖ్యంగా సోషల్ మీడియాలో దీని హవా స్పష్టంగా కన్పిస్తుంది. నెదర్లాండ్‌కు చెందిన జొనె్న స్మెర్స్ దీని యజమాని. దీని పేరు జోయ్. దీనికి ఓ తోబుట్టువుకూడా ఉంది. ఈ రెండింటిని ఓ జూనుంచి జొనె్న దత్తత తీసుకుని పెంచుకుంటున్నాడు. ఆ తరువాత వీటిలో జోయ్ ఫొటోను సోషల్ నెట్‌వర్క్‌లో పోస్ట్ చేశాడు. ఇక అంతే దాని పేరు మారుమోగిపోయింది.

కళాకారుడి అద్భుత పనితనానికి ఈ ఆకృతులు ఓ చక్కటి ఉదాహరణలు. పెన్సిల్ కొనపై సృష్టించిన కళాఖండాలు ఇవి. బోస్నియా-హెర్జిగోవినాకు చెందిన జసెంకో జోర్జెవిక్ తనకు తానుగా ఈ పెన్సిల్ (గ్రాఫైట్) కొనలపై కళాఖండాలను తీర్చిదిద్దే కళను నేర్చుకున్నాడు. తుజ్లాలో ఈ మధ్య ఆయన ఓ ప్రదర్శన ఏర్పాటు చేసి తాను రూపొందించిన కళాఖండాలను ఉంచాడు. గాంధీజీ చెప్పిన ‘మూడుకోతులు’ కానె్సప్ట్‌ను జసెంకో ఎంతో అందంగా రూపొందించాడు.

ఈ సీగల్‌కు చికెన్ కర్రీపై మనసుపడింది. వేల్స్‌లోని ఓ చికెన్ రెస్టారెంటవద్ద తిరుగుతున్న ఈ పక్షి ఉన్నట్లుండి ఓ డస్ట్‌బిన్‌లో చికెన్ కర్రీని గమనించి అందులోకి దూకేసింది. తీరా దానికి చికెన్‌పీస్‌లు దొరకలేదు. కానీ చికెన్‌టిక్కా మసాలా గ్రేవీలో ఇది పూర్తిగా ములిగిపోయింది. తెల్లగా మెరిసిపోవాల్సిన సీగల్ మసాలా ఒంటపట్టించుకుని ఇదిగో ఇలా తయారైంది.

పూలకుండీల్లో, గార్డెన్‌లో మొక్కలు పెంచడంలో మజా ఏముంది. ఇలా జీన్ ఫ్యాంట్ జేబుల్లోనూ మొక్కలు పెంచొచ్చు అంటున్నారు కొందరు ఔత్సాహికులు. పశ్చిమ లండన్‌లో ఇలా తీగలకు వేళ్లాడదీసిన బట్టల జేబుల్లో మొక్కలు పెంచడం ఇప్పుడు ఓ ఫ్యాషన్ అయిపోయింది.