ఈ చిత్రంలో కన్పిస్తున్నది అచ్చమైన ఆడపిల్లలు అనుకుంటున్నారు కదూ...ఆ కళ్లల్లో జీవం చూస్తే ముచ్చటేస్తుంది కదూ..కానీ అవి కేవలం బొమ్మలు. రష్యా కళాకారుడు మైఖేల్ జజ్‌కోవ్ వీటిని తయారు చేశాడు. అందంగా ముస్తాబు చేసిన ఇలాంటి బొమ్మల్లో అందర్నీ ఆకట్టుకున్నవి మూడు. ఆ బొమ్మల అమ్మాయిలకు ఉల్యాన, నటాలియ, సోఫియా అని పేరుపెట్టాడు. సోషల్‌మీడియాలో ఈ ఫోటోలు పోస్ట్ చేయడమే తరువాయి అభినందనల వెల్లువ మొదలైంది.

-భారతి
----------------
మంచులో యోగా
తొలివేకువలో బాలభానుడి లేలేత కిరణాలు మేనిపై పడుతున్నప్పుడు యోగా చేయడం చాలామందికి అలవాటే. మనసుకు హాయినిచ్చే పసందైన వాతావరణంలో యోగా మంచి ఆరోగ్యాన్ని అందిస్తుంది. చైనాలో అయితే కొందరు ఔత్సాహికులు దట్టంగా మంచు అలుముకున్నా వెరవక యోగా నేర్చుకుంటున్నారు. చైనాలోని హెనన్ ప్రావిన్స్ పరిధిలోని లుయాంగ్‌లో ఈ శిక్షణ కొనసాగుతోంది.

సాధారణంగా పులులు గాండ్రిస్తాయి. చిరుతలదీ అదేతీరు. కానీ మంచుప్రాంతాల్లో సంచరించే స్నో లియోపార్డ్స్ గర్జించలేవు. వాటి స్వరపేటికలో ఎలాస్టిక్ మజిల్స్ సరిగ్గా అభివృద్ధి చెందకపోవడమే అందుకు కారణం. అందువల్ల ఇవి అరవడానికి బదులు స్టీమ్‌ఇంజన్‌నుంచి ఆవిరివదిలినప్పుడు వచ్చే శబ్దం మాదిరిగా గుర్రుమంటాయి. భారీగా ఉండే వాటి శరీరం పొడవుకన్నా ఆరురెట్ల దూరాన్ని ఒక్కగెంతులో దూకగలవు.

పిల్లలకు నడక, నడత నేర్పేది తల్లే అంటారు. ఆ నిజం పక్షులకూ వర్తిస్తుందని ఈ దృశ్యం చూసి చెప్పొచ్చు. లాంక్‌షైర్‌లోని క్వీన్స్‌పార్క్ సరస్సులో ఓ బాతు ఈదుతూ వెళుతూంటే దానివెంట క్రమశిక్షణతో వరుసగా 16 పిల్లబాతులు ఎంచక్కా అనుసరిస్తున్నాయో చూడండి. ఈ దృశ్యాన్ని కేటర్‌న్యూస్ ఫొటోగ్రాఫర్ మార్క్ క్రైమ్స్ తన కెమెరాలో బంధించాడు.
ఇదోరకం అందం