ఏలూరు, డిసెంబర్ 3 : రాష్ట్రంలో ప్రభుత్వాసుపత్రిలో డాక్టర్ల కొరత నివారించడానికి అవుట్ సోర్సింగ్ పద్దతిపై త్వరలోనే 400 డాక్టర్ల పోస్టులను భర్తీ చేయడానికి ప్రభుత్వం చర్యలు తీసుకున్నదని రాష్ట్ర విధాన పరిషత్తు కమిషనర్ ఎన్ దుర్గా ప్రసాద్ చెప్పారు.

విజయవాడ, డిసెంబర్ 3: తెలుగుదేశం పార్టీ రాష్ట్ర అధికార ప్రతినిధి బొండా ఉమామహేశ్వరరావు పెద్ద నోట్ల రద్దు నిర్ణయాన్ని విమర్శిస్తూ, ప్రధాని నరేంద్ర మోదీది తుగ్లక్ పాలనగా పేర్కొనడాన్ని భారతీయ యువ మోర్ఛా జాతీయ కార్యవర్గ సభ్యులు ఎన్.రమేష్‌నాయుడు తీవ్రంగా ఖండించారు. ఒకపక్క తెలుగుదేశం పార్టీ అధ్యక్షుడు మోదీ నిర్ణయాన్ని సమర్థిస్తుంటే మరోపక్క ఆ పార్టీ నాయకులు విమర్శించడం ఏమిటని ప్రశ్నించారు.

అహమ్మదాబాద్, డిసెంబర్ 3: నల్లధనం స్వచ్ఛంద వెల్లడి పథకంలో రూ.13,860 కోట్లు వెల్లడించిన ప్రాపర్టీ డీలర్ మహేశ్ షా శనివారం నాటకీయ పరిణామాలలో లొంగిపోయారు. ఐటి అధికారులు మహేశ్ షా ఇంటిపై దాడులు చేయటంతో ఆయన అజ్ఞాతంలోకి వెళ్లిపోయారు. దీనిపై మీడియాలో పెద్ద ఎత్తున వార్తలు రావటంతో ఓ గుజరాతీ చానల్ లైవ్ షోలో నేరుగా ప్రత్యక్షమై లొంగిపోయారు.

నెల్లూరు, డిసెంబర్ 3: రెండు నెలలుగా చెన్నై అపోలో ఆసుపత్రిలో చికిత్స పొందుతున్న తమిళనాడు ముఖ్యమంత్రి జయలలితను త్వరలోనే డిస్‌చార్జ్ చేసే అవకాశం ఉందని అపోలో ఆసుపత్రి వైస్ చైర్మన్ ప్రీతారెడ్డి తెలిపారు. నెల్లూరు నగరంలో ఏర్పాటు చేసిన విలేఖర్ల సమావేశంలో ఆమె ఈ విషయాన్ని వెల్లడించారు. జయలలితను ఒక ప్రత్యేక వైద్యబృందం నిరంతరం పర్యవేక్షిస్తోందని, ఆమె కూడా వైద్యసేవలకు బాగా స్పందిస్తున్నారని తెలిపారు.