రామకుప్పం, సెప్టెంబర్ 22: తెలుగుదేశం పార్టీలో ప్రథమ స్థానం కార్యకర్తలకే అని మండలాధ్యక్షుడు ఆంజనేయరెడ్డి పేర్కొన్నారు. గురువారం స్థానిక స్ర్తిశక్తి భవనంలో పార్టీ కార్యకర్తలు, ప్రజాప్రతినిధులు, నేలతో సర్వసభ్య సమావేశం నిర్వహించారు. ఈసందర్భంగా ఆయన మాట్లాడుతూ పార్టీ కార్యక్రమాలకు క్రీయాశీల సభ్యత్వ గుర్తింపు కార్డుతో హాజరు కావాలన్నారు.

రొంపిచెర్ల, సెప్టెంబర్ 22: చట్టాలు అమలు చేయాల్సిన బాధ్యత అధికారులపై ఉందని జిల్లా అడిషనల్ జడ్జి ఆదినారాయణ స్పష్టం చేశారు. స్థానిక పంచాయతీ కార్యాలయం ఆవరణలో గురువారం జరిగిన మండల న్యాయసేవా సదస్సులో ఆయన ముఖ్య అతిథిగా పాల్గొని ప్రసంగించారు.

తిరుమల, సెప్టెంబర్ 22: శ్రీవారి బ్రహ్మోత్సవాల్లో భక్తులకు సంతృప్తికరంగా మూలమూర్తి దర్శనంతోపాటు వాహనసేవలు వీక్షించే అవకాశం కల్పించేందుకు తగిన ఏర్పాట్లు చేపడుతున్నామని టిటిడి తిరుమల జె ఇ ఓ శ్రీనివాసరాజు వెల్లడించారు. తిరుమలలో మాడ వీధులతోపాటు వాహనాల పార్కింగ్ ఏర్పాటుకోసం పలు ప్రాంతాలను జె ఇ ఓ గురువారం పరిశీలించారు.

చిట్టమూరు, సెప్టెంబర్ 22: మండలంలోని మల్లాం గ్రామంలో వెలసిన స్వయంభు శ్రీ సుబ్రహ్మణ్యేశ్వర స్వామి బ్రహ్మోత్సవాల్లో భాగంగా గురువారం స్వామివారి అలకల తోపు భక్తులను ఎంతగానో అలరించింది. రాజు వేటకు వెళ్లే సమయంలో దొంగలు నగలు దోచుకెళ్లడం, దొర దొంగలను పట్టించే విధానాన్ని వేదపండితుల మంత్రాలు, ప్రత్యేక వేషధారణలతో నాటకీయ ఫక్కీలో దొర దొంగలను తరిమికొట్టడం కోలాహలంగా జరిగింది.