అమరావతి, నవంబర్ 29: రాజధాని ప్రాంతంలో జరుగుతున్న అన్నిరకాల అభివృద్ధి పనులకు అత్యంత అవసరమైన ఇసుక, మొరం, కంకర తదితర నిర్మాణ సామగ్రికి ఎలాంటి లోటు లేకుండా అందుబాటులో ఉంచుకోవాలని ముఖ్యమంత్రి చంద్రబాబు నాయుడు అధికారులను ఆదేశించారు. అన్ని పనులు నిర్దేశిత వ్యవధిలో జరిగి తీరాలని నిర్మాణ సంస్థలకు తేల్చి చెప్పారు.

గుంటూరు, నవంబర్ 29: రాష్ట్ర శాసనసభలో బుధవారం 6 బిల్లులు ఆమోదం పొందాయి. పంచాయతీరాజ్‌శాఖ పరిధిలో వీధి కుక్కల నియంత్రణకు నిర్దేశించిన చట్ట సవరణ బిల్లుపై మంత్రి నారా లోకేష్ వివరణ ఇస్తూ గ్రామాలు, పట్టణాల్లో సునకాల బెడద అధికంగా ఉందన్నారు. కాగా మునిసిపాలిటీలలో భవన నిర్మాణ అనుమతుల అధికారాల బదలాయింపుకై నిర్దేశించిన చట్టసవరణ బిల్లును మంత్రి పి. నారాయణ ప్రతిపాదించారు.

విజయవాడ, నవంబర్ 29: రాష్ట్రంలో అన్ని స్థాయిల్లో తెలుగు ఉండాలన్నదే దివంగత ఎన్టీరామారావు స్థాపించిన తెలుగుదేశం పార్టీ విధానమని రాష్ట్ర ముఖ్యమంత్రి నారా చంద్రబాబు నాయుడు శాసనసభలో స్పష్టం చేశారు. ప్రభుత్వ వ్యవహారాలన్నింటిలో అధికార భాషగా తెలుగు అమలు చేయడానికి 1966 నుంచి అధికార భాషా చట్టం అమల్లో ఉన్నప్పటికీ కారణాలేమైనా పూర్తిస్థాయిలో అమలుకు నోచుకోలేదన్నారు.

పోలవరం, నవంబర్ 28: పట్టిసీమ ఎత్తిపోతల పథకంలోని మోటార్లను మంగళవారం సాయంత్రం నుంచి నిలిపివేసినట్టు పోలవరం ఎస్‌ఈ విఎస్ రమేష్‌బాబు తెలిపారు. ఎత్తిపోతల పథకంలోని 24 మోటార్లను జూన్ 18న ఆన్ చేసి రోజుకు 8,500 క్యూసెక్కుల గోదావరి నీటిని పోలవరం ప్రాజెక్టు కుడికాల్వ ద్వారా కృష్ణాజిల్లాకు తరలించారు. ఇప్పటివరకు ఇప్పటివరకు 105.8 టిఎంసీల నీటిని తరలించారు.