ఉయ్యాలవాడ, నవంబర్ 18: తమ సమస్యలు తీరాలంటే రాజన్న రాజ్యం రావాలని పలువురు రైతులు వైకాపా అధినేత వైఎస్.జగన్మోహన్‌రెడ్డిని కలిసి విన్నవించారు. ప్రజా సంకల్పయాత్ర 11వ రోజు శనివారం కర్నూలు జిల్లా దొర్నిపాడు నుంచి తిరిగి ప్రారంభమైంది. దొర్నిపాడు నుంచి ఉయ్యాలవాడ క్రాస్ రోడ్ వరకు జరిగిన యాత్రలో దారి వెంట సీడ్ పత్తి రైతులు, వ్యవసాయ కూలీలు పెద్దసంఖ్యలో తరలివచ్చిన యువనేతను కలిశారు.

పుట్టపర్తి, నవంబర్ 18: పుట్టపర్తి సత్యసాయి బాబా 92వ జయంతి వేడుకలు శనివారం ఘనంగా ప్రారంభమయ్యాయి. జయంతి వేడుకల ప్రారంభం రోజు శ్రీ వేణుగోపాలస్వామి రథోత్సవం నేత్రపర్వంగా సాగింది. ఉదయం సాయికుల్వంత్ హాలులో వేణుగోపాలస్వామి, ఆంజనేయస్వామి ఉత్సవమూర్తులకు ప్రత్యేక పూజలు నిర్వహించారు. అనంతరం రకరకాల పూలతో అందంగా అలంకరించిన రథంపై స్వామివారిని ఆశీనులను చేసి పూజలు, హారతి ఇచ్చారు.

విజయవాడ (బెంజిసర్కిల్), నవంబర్ 18: ఆధునిక సమాజంలో సోషల్ మీడియా కీలకమైన భూమిక పోషిస్తోందని, సమాజంలో జరిగే అనేక అంశాలకు చర్చా వేదికగా నిలుస్తోందని రాష్ట్ర పర్యాటకశాఖ మంత్రి భూమా అఖిలప్రియ పేర్కొన్నారు. శనివారం స్థానిక ఎ-కనె్వన్షన్ సెంటర్‌లో దేశంలోనే తొలిసారిగా నిర్వహిస్తున్న సోషల్ మీడియా సమ్మిట్-17లో మంత్రి ముఖ్య అతిధిగా పాల్గొన్నారు.

తిరుపతి, నవంబర్ 18: శేషాచల అడవుల నుంచి ఎర్రచందనం దుంగలను లారీలో అక్రమంగా తరలిస్తున్న స్మగ్లర్ల వాహనాన్ని టాస్క్ఫోర్స్ పోలీసులు సాహసోపేతంగా వెంటాడి పట్టుకున్న సంఘటన శనివారం ఉదయం జరిగింది. పట్టుబడ్డ లారీలో 82 ఎర్రచందనం దుంగలను టాస్క్ఫోర్స్ సిబ్బంది స్వాధీనం చేసుకున్నారు. లారీ యజమాని, డ్రైవర్ అయిన తమిళనాడుకు చెందిన శంకర్‌ను, మరో కీలక స్మగ్లర్‌గా భావిస్తున్న శివాజీని అరెస్టు చేశారు.