విజయవాడ, జనవరి 20: వెలగపూడి సచివాలయంలో నిర్మిస్తున్న అసెంబ్లీ భవన నిర్మాణాన్ని రాష్ట్ర పురపాలక శాఖ మంత్రి నారాయణ శుక్రవారం పరిశీలించారు. భవన నిర్మాణ పనులు వేగంగా జరగడంపై సంతృప్తి వ్యక్తం చేశారు. ఈ నెల 28 నాటికి భవన నిర్మాణం పూర్తి అవుతుందని, 29న ప్రభుత్వానికి కాంట్రాక్టరు అప్పగిస్తారని తెలిపారు. స్పీకర్‌తో ఈ భవనాన్ని ప్రారంభిస్తామని తెలిపారు.

విజయవాడ, జనవరి 26: పోలవరం ప్రాజెక్టు గేట్లు, డయాఫ్రం వాల్ పనులు ఈ నెల 29 నుంచి ప్రారంభించనున్నట్లు రాష్ట్ర జలవనరుల శాఖ మంత్రి దేవినేని ఉమా మహేశ్వరరావు తెలిపారు. వెలగపూడి సచివాలయంలో ఆయన మీడియాతో శుక్రవారం మాట్లాడుతూ ఇప్పటికే ఇం దుకు సంబంధించిన డిజైన్లను కేంద్ర జల సంఘం ఖరారు చేసిందన్నారు. ఒక ఒక బ్లాక్, ఒక పిల్లర్ నిర్మాణం పూర్తి అయిన తరువాత పూర్తి స్థాయి లో డిజైన్‌పై స్పష్టత వస్తుందన్నారు.

విజయవాడ, జనవరి 20: రాష్ట్ర ప్రభుత్వ నాన్ గెజిటెడ్ అధికారుల సంఘం (ఎపి ఎన్‌జివో అసోసియేషన్) రాష్ట్ర సంఘానికి ఫిబ్రవరి 19వ తేదీన ఎన్నికలు నిర్వహించేందుకు ఎన్నికల అధికారి కె.దాలినాయుడు శుక్రవారం ఎన్నికల నోటిఫికేషన్ విడుదల చేసారు.

విజయవాడ, జనవరి 20: రాజమహేంద్రవరంలో ఏర్పాటు చేసిన ఫారెస్టు అకాడమీ శాఖను తిరుపతిలో ఏర్పాటు చేయాలని అధికారులను రాష్ట్ర అటవీ, పర్యావరణ, శాస్త్ర, సాంకతిక శాఖల మంత్రి బొజ్జల గోపాలకృష్ణారెడ్డి ఆదేశించారు. వెలగపపూడి సచివాలయంలో ఆయన శుక్రవారం అధికారులతో సమీక్ష సమావేశం నిర్వహించారు. ఈ సందర్భంగా మంత్రి మాట్లాడుతూ అటవీ సిబ్బందికి శిక్షణ వంటివి నిర్వహించేందుకు ఈ కేంద్రం ఉపయోగంగా ఉంటుందని ఆయన తెలిపారు.