రాజమహేంద్రవరం, నవంబర్ 16: తూర్పు గోదావరి జిల్లా నివురుగప్పిన నిప్పులా మారింది. ఎటు చూసినా పోలీసు బలగాలే మోహరించాయి. మొత్తంగా పరిశీలిస్తే బుధవారం కూడా జిల్లా అంతటా పోలీసు పహారా వుంది. కాపు సామాజికవర్గ కీలక నేతలంతా ఇళ్ల నుంచి బయటకు రాకుండా గృహనిర్బంధం కొనసాగుతోంది. పోలీసులు ఎపుడు గృహ నిర్బంధం సడలిస్తే అపుడు యాత్ర చేయడానికి సిద్ధంగా ఉన్నామని కాపు జెఎసి నేతలు చెబుతున్నారు.

హైదరాబాద్, నవంబర్ 15: వచ్చే ఏడాది మార్చి లోపల విద్యుత్ చౌర్యాన్ని 9శాతానికి తగ్గించేందుకు అన్ని చర్యలు తీసుకుంటున్నట్లు ఇంధన శాఖ ముఖ్య కార్యదర్శి అజయ్ జైన్ తెలిపారు. ఈ ఏడాది సెప్టెంబర్ వరకు విద్యుత చౌర్యం శాతానికి 9.98 శాతానికి తగ్గించామన్నారు. ఒక శాతం విద్యుత్ చౌర్యం తగ్గించే రూ.270కోట్లు మిగులుతుందన్నారు.

మంగళగిరి, నవంబర్ 15: రాష్ట్రంలో కాపు, తెలగ, బలిజ, ఒంటరి కులాలు, బీసీ కులాల మధ్య ప్రతిపక్షనేత వైఎస్ జగన్ చిచ్చు పెడుతున్నారని, కాపు కార్పొరేషన్ చైర్మన్ చలమలశెట్టి రామానుజయ ఆరోపించారు.

విజయవాడ, నవంబర్ 15: రాష్ట్రానికి ప్రత్యేక హోదా అన్న పదం రద్దయిన పెద్ద నోట్ల వంటిదని కేంద్ర మంత్రి సుజనా చౌదరి వ్యాఖ్యానించారు. సిఎంతో తెలుగుదేశం ఎంపీల సమావేశం అనంతరం సిఎం క్యాంపు కార్యాలయంలో నిర్వహించిన విలేఖరుల సమావేశంలో ఆయన మాట్లాడుతూ వచ్చే జనవరి తరువాత ప్రత్యేక హోదా అంశం ఉండదని తెలిపారు. కొంతమంది అనవసరంగా ఈ అంశాన్ని రాద్ధాంతం చేస్తున్నారని విమర్శంచారు.