ముంబయి: అంతర్జాతీయ స్టాక్ మార్కెట్ల మాదిరిగానే భారత స్టాక్ మార్కెట్లను కూడా కరోనా వరస్ భయం వెంటాడుతున్నది. ఫలితంగా నష్టాలు తప్పలేదు. తీవ్రమైన అనిశ్చితిలో కొట్టుమిట్టాడిన సూచీలు చివరికి నష్టాల్లోనే ముగిశాయి. బీఎస్‌ఈ సెన్సెక్స్‌ బుధవారం 1300 పాయింట్లు పతనమై 30 వేల పాయింట్ల దిగువకు పడిపోయింది. ఎన్‌ఎస్‌ఈ నిఫ్టీ 328 పాయింట్లు కోల్పోయి 9000 పాయింట్ల దిగువన 8638 పాయింట్ల వద్ద ట్రేడవుతోంది.

హైదరాబాద్, మార్చి 17: దేశంలో ఆర్థిక మాంద్యం ఉన్నా, తెలంగాణ రాష్ట్రం ప్రగతిశీల విధానం, ఐటీ, డేటా అనలిటిక్స్ వల్ల సానుకూల వృద్ధిరేటును సాధించింది. వాణిజ్య పన్నుల శాఖ ద్వారా 2029-20లో ఫిబ్రశరి వరకు 42,600 కోట్ల ఆదాయం వచ్చింది. మార్చి నెలలో వచ్చే ఆదాయం ద్వారా నిర్దేశించినలక్ష్యాన్ని చేరుకుంటామనే విశ్వాసంతో ప్రభుత్వం ఉంది.

న్యూఢిల్లీ, మార్చి 17: బీటీ కాటన్ బొల్‌గార్డ్-2 విత్తనాలపై విలు ఆధారిత, రికరింగ్ రాయల్టీ (ట్రెయిట్ విలువ)పై చార్జిలను ఎత్తివేసే విషయాన్ని కేంద్రం ఆలోచిస్తున్నది. ఈ విషయాన్ని కేంద్ర వ్యవసాయ శాఖ మంత్రి నరేంద్ర సింగ్ తోమర్ ప్రకటించారు. 2015 నుంచి బీటీ కాటన్ అమ్మకాలపై గరిష్ట ధరను ప్రభుత్వమే నిర్ధారిస్తున్నది. వాణిజ్య లాభాలు, ఇతరత్రా అంశాలపైన కూడా కేంద్రమే మార్గనిర్దేశకాలను సిద్ధం చేస్తున్నది.

న్యూఢిల్లీ, మార్చి 17: బేర్ గుప్పిట్లో స్టాక్ మార్కెట్లు విలవిల్లాడుతున్న నేపథ్యంలో, కేవలం రెండు రోజుల్లోనే మదుపరుల లక్షల కోట్ల రూపాయలు ఆవిరయ్యాయి. సోమ, మంగళవారాల ట్రేడింగ్‌లో స్టాక్ మార్కెట్లు నష్టాలను ఎదుర్కొన్నాయి. ఫలితంగా 9,74,176.71 కోట్ల రూపాయల విలువైన సంపదను మదుపరులు నష్టపోయారు.