S ,7 à 8 RSCA (si SASPAS) et 6 cialis pharmacie cialis rapports de stage.
అల్లరి సురేష్ కథానాయకుడిగా శ్రీ వెంకటేశ్వర సినీ చిత్ర, ఎల్‌ఎల్‌పి పతాకంపై జి.నాగేశ్వర్‌రెడ్డి దర్శకత్వంలో ఛత్రపతి ప్రసాద్ రూపొందించిన చిత్రం ‘ఇంట్లో దెయ్యం నాకేం భయం’. ఈ చిత్రాన్ని అన్ని కార్యక్రమాలు పూర్తిచేసి ఈనెలలోనే విడుదల చేయడానికి సన్నాహాలు చేస్తున్నారు.
చిరంజీవి 150వ సినిమాగా రూపొందిన ఖైదీ నెంబర్ 150 సంక్రాంతి కానుకగా విడుదలకు సిద్ధమవుతోంది. ఈ చిత్రంపై అంచనాలు భారీగా ఉన్నాయి. వి.వి.వినాయక్ దర్శకత్వంలో రూపొందిన ఈ చిత్రంలో కాజల్ అగర్వాల్ చిరంజీవి సరసన తొలిసారిగా కథానాయికగా నటించడం విశేషం. చిరంజీవి చిత్రాలకు ఉన్న మాస్ ఇమేజ్ దృష్టిలో ఉంచుకొని ఆయన పాత్రను సృష్టించారు.
ప్రియాంకా కీలక పాత్రలో బేబి ఇలినాపార్థవి ప్రధాన తారాగణంగా కె.ఆర్.కె.ప్రొడక్షన్స్, లక్ష్మీ వెంకటేశ్వర మూవీస్ సంయుక్తంగా అందిస్తున్న చిత్రం ‘చిన్నారి’. లోహిత్ దర్శకత్వంలో రూపొందిస్తున్న ఈ చిత్రం తెలుగు, కన్నడ భాషల్లో రూపొందింది.
తెలుగు తమిళ భాషల్లో అంజలి ప్రధాన పాత్రలో హారిజాంటల్ థ్రిల్లర్ కామెడీ సినిమాగా రూపొందిస్తున్న చిత్రం ‘చిత్రాంగద’. శ్రీ విఘ్నేష్ కార్తీక్ సినిమా అండ్ క్రియేటివ్ డ్రావిడన్ పతాకంపై అశోక్ దర్శకత్వంలో గంగపట్నం శ్రీ్ధర్, రెహమాన్ సంయుక్తంగా రూపొందిస్తున్నారు. ఈ చిత్రానికి సంబంధించిన పోస్ట్ ప్రొడక్షన్ కార్యక్రమాలు జరుగుతున్నాయి.
విజయ్ ఆంటోని మరోసారి ‘బేతాళుడు’గా కలెక్షన్ల వేటను మొదలెట్టాడు. ఈ సినిమాకోసం ప్రేక్షకులు ఎంతో ఆసక్తిగా ఎదురుచూశారు. ఇటు పరిశ్రమలోనూ, అటు ప్రేక్షకుల్లోనూ ఈ సినిమాపై ఓ క్యూరియాసిటీ వున్నదని, 500 థియేటర్లలో గ్రాండ్‌గా విడుదలైందని, విన్ విన్ విన్ క్రియేషన్స్ పతాకంపై నిర్మాతలు ప్రదీప్, ఎస్.వేణుగోపాల్ తెలిపారు.
వేగేశ్న సతీష్ దర్శకత్వంలో శ్రీ వేంకటేశ్వర క్రియేషన్స్ పతాకంపై శర్వానంద్, అనుపమా పరమేశ్వరన్ జంటగా నటిస్తున్న చిత్రం ‘శతమానం భవతి’. ఈ సినిమాకు సంబంధించిన షూటింగ్ దాదాపు ముగింపుదశలో వుంది. రానున్న సంక్రాంతికి సినిమా విడుదల చేయడానికి సన్నాహాలు చేస్తున్నారు.
వైవిధ్యమైన దర్శకుడు మణిరత్నం-కార్తిల కాంబినేషన్‌లో రూపొందిస్తున్న చిత్రం ‘డ్యూయెట్’. యాక్షన్ లవ్‌స్టోరీగా తెరకెక్కిస్తున్న ఈ సినిమాను తెలుగులో రాజు అందిస్తున్నారు. ఈ సందర్భంగా నిర్మాత మాట్లాడుతూ- ‘ఓకె బంగారం’ సినిమా సమయంలోనే ఈ సినిమా గురించి తనకు దర్శకుడు మణిరత్నం చెప్పారని, మళ్లీ ఈ డ్యూయెట్ సినిమా కథ నచ్చి తెలుగులో అందిస్తున్నారని అన్నారు.
శ్రద్ధాదాస్, మాధురీ ఇటాజి ప్రధాన తారాగణంగా వేగా ఎంటర్‌టైన్‌మెంట్ పతాకంపై రాజ్‌కుమార్.జి.ఆర్. దర్శకత్వంలో విక్రంరాజు రూపొందించిన చిత్రం ‘ఆట’. ఈ చిత్రానికి సంబంధించిన అన్ని కార్యక్రమాలు పూర్తిచేశారు.
సాక్షీచౌదరి అంటేనే ఓ అందమైన అమ్మాయి గుర్తుకొస్తుంది. గతంలో అనేక చిత్రాల్లో కథానాయికగా నటించిన ఈ అమ్మడికి ఇప్పుడు అవకాశాలు తక్కువయ్యాయి. అందానికి అందం, నటనకు నటన వున్న సాక్షికి కూసింత అదృష్టం లేకపోవడంతో సరైన సినిమాలు పడలేదు. ఆమె కెరీర్‌లో బిగ్గెస్ట్ హిట్ అనదగిన సినిమా ఒక్కటీ లేకపోవడంతో ఐటెం పాటలకు కూడా సై అంటోంది.
జమ్ము, నవంబర్ 30: జమ్ములో మంగళవారం జరిగిన ఉగ్రదాడిలో పాల్గొన్న ముగ్గురు ముష్కరులు సాంబా జిల్లాలో ఒక సొరంగం ద్వారా భారత భూభాగంలోకి ప్రవేశించారని సరిహద్దు భద్రతాదళం గుర్తించింది. భారత్, పాక్ సరిహద్దు ప్రాంతంలో ఒక సొరంగాన్ని గుర్తించింది. నగ్రోటాలో ఎదురుకాల్పులు జరిగిన ఇరవై నాలుగు గంటల్లో సైన్యం జరిపిన సర్చ్ ఆపరేషన్‌లో విస్మయం గొలిపే అంశాలు బయటపడ్డాయి.