హైదరాబాద్, ఫిబ్రవరి 10: రాయదుర్గం బయోడైవర్సిటీ సమీపంలో మైహోం భూజా ప్రాజెక్టుకు ప్రభుత్వ నిబంధనలను ఉల్లంఘించి భూ కేటాయింపులు చేశారని, దీనివల్ల ప్రభుత్వ ఆదాయానికి వందల కోట్ల రూపాయిల నష్టం వాటిల్లిందని మల్కాజ్‌గిరి కాంగ్రెస్ ఎంపీ రేవంత్‌రెడ్డి దాఖలు చేసిన ప్రజాప్రయోజనాల వ్యాజ్యాన్ని హైకోర్టు విచారణకు స్వీకరించింది. ప్రభుత్వంతో పాటు మైహోం భూజా, డీఎల్‌ఎఫ్ సంస్థలకు నోటీసులు జారీ చేసింది.

న్యూఢిల్లీ: పౌరసత్వ సవరణ చట్టాన్ని వ్యతిరేకిస్తూ ఢిల్లీ షహీన్‌బాగ్‌లో గత డిసెంబర్ 15వ తేదీ నుంచి జరుగుతున్న ఆందోళనలపై సుప్రీంకోర్టు స్పందించింది. వాహనాల రాకపోకలకు అంతరాయం కలుగకుండా.. సూచించిన ప్రదేశంలో మాత్రమే ఆందోళనకారులు నిరసనలు తెలియజేయాలని సుప్రీంకోర్టు సోమవారం ఆదేశించింది.

న్యూఢిల్లీ: ప్రజాభద్రత చట్టం కింద కాశ్మీర్ మాజీ ముఖ్యమంత్రి ఒమర్ అబ్దుల్లాను దీర్ఘకాలంగా నిర్బంధంలో ఉంచడాన్ని సవాల్ చేస్తూ ఆయన సోదరి సోమవారం సుప్రీంకోర్టును ఆశ్రయించారు. ఒమర్ అబ్దుల్లాను ఇంత కాలం నిర్బంధంలో ఉంచడం అన్నది పూర్తిగా అన్యాయమని, ఆయన వల్ల ప్రజాజీవనానికి ఏ రకంగానూ ముప్పువాటిల్లే అవకాశం లేదని సారా అబ్దుల్లా తెలిపారు.

హైదరాబాద్, ఫిబ్రవరి 9: వివాదాస్పద విమర్శకుడు కత్తి మహేశ్ మరో వివాదంలో చిక్కుకున్నాడు. శ్రీరాముడిపై అనుచిత వ్యాఖ్యలు చేశారంటూ హైదరాబాద్ సైబర్ క్రైమ్ పోలీసులకు ఫిర్యాదు అందడంతో ఆయనపై సెక్షన్ 502 కింద కేసు నమోదు చేశారు. కాగా, ఇటీవల ఆయన మాట్లాడుతూ శ్రీరాముడి ఫేవరెట్ వంటకం జింక మాంసమని, సీతాదేవి దానిని తినడం కోసమే జింకను తీసుకుని రమ్మని కోరిందంటూ వ్యాఖ్యానించిన సంగతి విదితమే.