ఎచ్చెర: పార్వతీపురం ఐటీడీఏ డిప్యూటీ ఈఈ తూతిక మోహన్‌రావు ఇంటిపై శ్రీకాకుళం, పార్వతీపురంలో ఏకకాలంలో ఏసీబీ అధికారులు మంగళవారం ఏకకాలంలో దాడులు నిర్వహించారు. పెద్ద మొత్తంలో బంగారం, వెండి వస్తువులు, సంబంధిత పత్రాలను స్వాధీనం చేసుకున్నారు. మార్కెట్ విలువ ప్రకారం వీటి విలువ కోట్లలో ఉంటుందని ఏసీబీ అధికారులు అంచనా వేస్తున్నారు.

నందిగామ, ఫిబ్రవరి 4: జాతీయ రహదారిపై నందిగామ రైతుపేటలో మంగళవారం ఉదయం జరిగిన ఒక రోడ్డు ప్రమాదంలో మానస అనే ప్రైవేటు స్కూల్ ఉపాధ్యాయిని మృతి చెందారు. నందిగామ రైతుపేటలో ఉంటున్న ఆమె కంచికచర్లలోని ఒక కార్పోరేట్ పాఠశాలలో పని చేస్తోంది. మంగళవారం ఉదయం ద్విచక్ర వాహనంపై పాఠశాలకు వెళుతూ లారీని ఢీకొట్టి టైరు కింద పడటంతో అక్కడికక్కడే మృతి చెందారు. పోలీసులు కేసు నమోదు చేసి దర్యాప్తు చేస్తున్నారు.

హైదరాబాద్, ఫిబ్రవరి 4: సికిందరాబాద్ గాంధీ ఆసుపత్రిని మంగళవారం ఉన్నతాధికారుల బృందం సందర్శించింది. ఒకవైపు ప్రపంచాన్ని కరోనా వైరస్ గడగడలాడిస్తున్న నేపథ్యంలో గాంధీ ఆసుపత్రికి అనుమానిత లక్షణాలతో వచ్చే వారికి పరీక్షలు నిర్వహించేందుకు, వైద్యం అందించేందుకు ప్రత్యేకంగా ఏర్పాటు చేసిన కరోనా వార్డును పరిశీలించారు.

హైదరాబాద్: వివిధ ప్రభుత్వ శాఖల అధికారుల అవినీతిపై ప్రజలు ఎంత తీవ్రమైన ఆగ్రహాం వ్యక్తం చేస్తున్నా, అవినీతికి ఏ మాత్రం అడ్డుకట పడటం లేదు. కొద్దిరోజుల క్రితం ఏకంగా మిలిటరీ మేజర్‌నే లంచం అడిగిన జీహెచ్‌ఎంసీ ట్యాక్సు ఇన్‌స్పెక్టర్ ఏసీబీ అధికారులకు అడ్డంగా దొరికిపోగా, ఇపుడు కంటోనె్మంట్‌లోని ఎలక్ట్రిక్ విభాగంలో లైన్‌మెన్‌గా పనిచేస్తున్న ఉద్యోగి రూ.4వేల లంచం తీసుకుంటూ ఏసీబీకి చిక్కాడు.