S ,7 à 8 RSCA (si SASPAS) et 6 cialis pharmacie cialis rapports de stage.

క్రైమ్/లీగల్

10/07/2019 - 01:14

హైదరాబాద్ : ఈఎస్‌ఐ కుంభకోణం కేసుకు సంబంధించి ఏసీబీ అధికారులు విచారణను వేగవంతం చేశారు. ఇందులో భాగంగా ఏసీబీ అధికారులు సోదాలు కొనసాగిస్తున్నారు. ఈ కేసులో ప్రధాన నిందితుల్లో ఒకరైన పద్మకు చెందిన బినామీ కంపెనీలను ఏసీబీ అధికారులు గుర్తించారు. అంతేకాకుండా ఈ కేసుతో సంబంధం ఉందని భావిస్తున్న బాలానగర్‌లోని వెంకటేశ్వర హెల్త్ సెంటర్ యజమాని అరవింద్ రెడ్డిని అధికారులు అరెస్టు చేశారు.

10/07/2019 - 00:22

గుత్తి : ప్రేమోన్మాది ఘాతుకానికి డిగ్రీ విద్యార్థిని ప్రాణాలు కోల్పోయన సంఘటన అనంతపురం జిల్లాలో చోటుచేసుకుంది. గుత్తి పట్టణంలోని తురకపల్లి రోడ్డులో నివాసం ఉంటున్న జీపు డ్రైవర్ రాజు కుమార్తె జ్యోత్స్న అరుణకుమారి (19) శ్రీసాయి డిగ్రీ కళాశాలలో ద్వితీయ సంవత్సరం చదువుతోంది. ఆమె ఇంటర్మీడియట్ చదువుతుండగా జక్కలచెరువు గ్రామానికి చెందిన రంగస్వామితో సన్నిహితంగా ఉండేది.

10/07/2019 - 08:16

నెల్లూరు రూరల్ : నెల్లూరు జిల్లా వెంకటాచలం ఎంపీడీఓ సరళ ఇంటికి వెళ్లి దౌర్జన్యం చేసిన సంఘటనలో అధికార పార్టీ వైసీపీకి చెందిన నెల్లూరు రూరల్ ఎమ్మెల్యే కోటంరెడ్డి శ్రీ్ధర్‌రెడ్డిని ఆదివారం తెల్లవారుజామున ఆయన ఇంటి వద్ద పోలీసులు అరెస్టు చేశారు. అనంతరం ఆయనను జడ్జి ముందు ప్రవేశపెట్టగా కోర్టు బెయిల్ మంజూరు చేసింది.

10/06/2019 - 23:04

సిమ్లా, అక్టోబర్ 6: ఎస్‌యూవీ వాహనం అదుపుతప్పి లోయలో పడిన సంఘటనలో నలుగురు వ్యక్తులు మృతి చెందగా, ఒకరు తీవ్రంగా గాయపడ్డారు. హిమాచల్‌ప్రదేశ్‌లోని చంబా జిల్లాలో ఈ దుర్ఘటన చోటుచేసుకుంది. దకోంగ్-టుండా రోడ్డుపై వెళ్తున్న ఎస్‌యూవీ వాహనం బార్మోర్‌లోని తరెల్లా గ్రామం వద్ద సుమారు 600 మీటర్ల లోయలో పడిపోయింది.

10/06/2019 - 23:03

ముంబయి, అక్టోబర్ 6: పంజాబ్, మహారాష్ట్ర కోపరేటివ్ (పీఎంసీ) బ్యాంకు కుంభకోణంలో ముంబయి ఆర్థిక నేరాల విభాగం పోలీసులు మరింత ప్రగతిని సాధించారు. నాలుగువేల 355 కోట్ల కుంభకోణంలో బ్యాంకు మాజీ చైర్మన్ వర్యాం సింగ్‌ను పోలీసులు అరెస్టు చేశారు. ఈమేరకు స్థానిక కోర్టు సింగ్‌కు ఈనెల తొమ్మిదో తేదీ వరకు పోలీసు కస్టడీలో రిమాండ్‌కు తరలించారు. ఈ కుంభకోణంలో అరెస్టయిన వారిలో సింగ్ నాలుగో వ్యక్తి.

10/06/2019 - 23:02

ముంబయి, అక్టోబర్ 6: కేంద్ర మంత్రి బంధువునని చెప్పి నకిలీ డాక్యుమెంట్లు సృష్టించి మహారాష్ట్ర హౌసింగ్, ఏరియా డెవలప్‌మెంట్ అథారిటీ (ఎంహెచ్‌ఏడీఏ) నుంచి నాలుగు లక్షల రూపాయిలు కొట్టేసిన ప్రబుద్ధుడిని ముంబయి పోలీసులు అదుపులోకి తీసుకొన్నారు. సునీత్ రత్న ప్రీతం అథవాలె (35) ఎంహెచ్‌ఏడీఏ నిర్మించిన ఇళ్లలో ఒకదానిని పొందడం కోసం ఫోర్జరీ డాక్యుమెంట్లతో దరఖాస్తు చేసుకొన్నాడు.

10/07/2019 - 08:18

సిమ్లా : హిమాచల్‌ప్రదేశ్ హైకోర్టు ప్రధాన న్యాయమూర్తిగా లింగప్ప స్వామి ఆదివారం బాధ్యతలు స్వీకరించారు. ఈ కోర్టుకు ఆయన 25వ సీజే. కర్నాటక హైకోర్టు న్యాయమూర్తిగా పనిచేసిన 60 ఏళ్ల స్వామి ఇటీవలే హిమాచల్‌ప్రదేశ్ హైకోర్టు ప్రధాన న్యాయమూర్తిగా నియమితులయ్యారు. 2007 జూలై 4న న్యాయమూర్తిగా తొలిసారి బాధ్యతలు తీసుకున్న ఆయన 2009 ఏప్రిల్ 17న శాశ్వత న్యాయమూర్తిగా నియమితులయ్యారు.

10/06/2019 - 05:06

పెనుకొండ, అక్టోబర్ 5: అనంతపురం జిల్లాలో శనివారం తెల్లవారుజామున జరిగిన రోడ్డు ప్రమాదంలో ఇద్దరు హైదరాబాద్ వాసులు మృతి చెందారు. పెనుకొండ పట్టణ సమీపంలో జాతీయ రహదారిపై శనివారం తెల్లవారుఝామున జరిగిన రోడ్డు ప్రమాదంలో హైదరాబాద్‌కు చెందిన నరేష్‌కుమార్(39), నరేంద్రబాబు(38) అక్కడికక్కడే మృతి చెందారు. రోహిత్‌శర్మ తీవ్రంగా గాయపడ్డాడు.

10/06/2019 - 05:05

హైదరాబాద్, అక్టోబర్ 5: ఈఎస్‌ఐ కుంభకోణంలో ఏసీబీ అధికారులు మరోకరిని అరెస్టు చేశారు. లైఫ్ కేర్ డ్రగ్స్ మెడికల్ ఫార్మా కంపెనీ యజమాని సుధాకర్‌రెడ్డిని అరెస్టు చేశారు. మందుల కొనుగోలు విషయంలో సుధాకర్‌రెడ్డికి సంబంధం ఉందని భావించిన ఏసీబీ అధికారులు అతనిని అరెస్టు చేశారు. ఈ కుంభకోణంలో నిందితురాలు దేవికారాణికి సుధాకర్‌రెడ్డి సహకరించినట్లు అధికారులు విచారణలో తేల్చారు.

10/06/2019 - 05:05

హైదరాబాద్, అక్టోబర్ 5: తెలంగాణ జూనియర్ లెక్చర్స్ ఫోరం అధ్యక్షుడు మధుసూదన్‌రెడ్డి నివాసంపై ఏసీబీ అధికారులు దాడులు నిర్వహంచారు. మలక్‌పేటలోని ఆయన నివాసం, కార్యాలయంతో పాటు బంధువుల ఇళ్లలోనూ అధికారులు ఏకకాలంలో తనిఖీలు నిర్వహించారు. ఆదాయానికి మించి ఆస్తులు ఉన్నట్లు మధుసూదన్‌రెడ్డిపై ఆరోపణలు వచ్చిన నేపథ్యంలో ఈ దాడులు జరిగాయి. మధుసూదన్‌రెడ్డి అక్రమంగా ఆస్తులు కూడబెట్టినట్లు ఏసీబీ అధికారులు గుర్తించారు.

Pages