ముంబయి, మే 9: రానున్న ఆసియా గేమ్స్‌లో పతకం సాధిస్తామని ఆస్ట్రేలియా గోల్డ్ కోస్ట్‌లో ఇటీవల జరిగిన కామనె్వల్త్ గేమ్స్ టేబుల్ టెన్నిస్ విభాగం పురుషుల టీమ్‌కు గోల్డ్‌మెడల్ అందించిన జి.సత్తియన్ అన్నాడు. కామనె్వల్త్ గేమ్స్‌లో సాధించిన విజయంతో తమకు ఎంతో కలసి వచ్చిందని, త్వరలో ఇండోనేషియాలోని జకార్తాలో జరిగే ఆసియా గేమ్స్‌లో సైతం ఇదే ఆటతీరును ప్రదర్శించి పతకం సాధిస్తామని ఆయన ధీమా వ్యక్తం చేశాడు.

ముంబయి, మే 9: ఇండియన్ ప్రీమియర్ లీగ్ (ఐపీఎల్) క్రికెట్ 11వ సీజన్ విజయవంతంగా కొనసాగుతున్న నేపథ్యంలో లీగ్ దశలో మ్యాచ్‌లను మినహాయించి ప్లే ఆఫ్స్, ఫైనల్ మ్యాచ్‌ల సమయంలో మార్పులు చేస్తున్నట్లు ఐపీఎల్ పాలక మండలి కీలక నిర్ణయం తీసుకుంది. ఈ విషయాన్ని ఐపీఎల్ చైర్మన్ రాజీవ్ శుక్లా ప్రకటించాడు. ప్రస్తుతం కొనసాగుతున్న ఐపీఎల్ మ్యాచ్‌ల్లో ఈనెల 20వ తేదీ వరకు లీగ్ మ్యాచ్‌లు పూర్తవుతాయి.

జైపూర్, మే 9: తమ జట్టులోని మిడిలార్డర్ బ్యాట్స్‌మెన్‌లు విఫలం కావడంతోనే ఇటీవల జరిగిన కొన్ని మ్యాచ్‌లలో పరాజయాన్ని చవిచూడాల్సి వచ్చిందని కింగ్స్ ఎలెవెన్ పంజాబ్ టీమ్ కోచ్ బ్రాడ్ హడ్జ్ వ్యాఖ్యానించాడు. ఓపెనర్లుగా దిగుతున్న కేఎల్ రాహుల్, క్రిస్ గేల్ మంచి ఆటతీరును ప్రదర్శించి జట్టును ముందుకు నడిపిస్తుంటే వారికి అండగా ఉంటూ పరుగులను జోడించడంలో మిడిలార్డర్ విఫలమవుతున్నారని ఆయన పేర్కొన్నాడు.

కోల్‌కతా, మే 9: ముంబయి మళ్లీ భారీ స్కోరు చేసింది. బుధవారం ఇక్కడి ఈడెన్ గార్డెన్స్‌లో కోల్‌కతాతో జరిగిన మ్యాచ్‌లో ముంబయి ఇండియన్స్ 102 పరుగులతో ఘన విజయం సాధించింది. తొలుత టాస్ గెలిచిన కోల్‌కతా బౌలింగ్‌ను ఎంచుకోవడంతో బ్యాటింగ్‌కు దిగిన ముంబయి నిర్ణీత 20 ఓవర్లలో ఆరు వికెట్లు కోల్పోయి 210 పరుగులు చేసింది. వికెట్ కీపర్ ఇషాన్ కిషన్ అద్భుత ఇన్నింగ్ ఆడాడు.