ఉద్యోగులకు చెల్లించాల్సిన పిఆర్‌సి బకాయలు బడ్జెట్‌లో చూపించి చెల్లిస్తామని హామీ ఇచ్చిన ప్రభుత్వం మాట తప్పటంతో, తెరాస వర్గాల్లో గుబులు కనిపిస్తోంది. అధికార పార్టీ అభ్యర్థిని ఎక్కడికక్కడ నిలదీస్తున్న టీచర్లు పోలింగ్ సమయంలో ఎలాంటి నిర్ణయం తీసుకుంటారోనన్న ఆందోళన తెరాసలో కనిపిస్తోంది.
**

హైదరాబాద్, మార్చి 17: ‘వచ్చే ఎన్నికల్లో మాకు ఇంకా ఎక్కువ స్థానాలు వస్తాయి’ అని ముఖ్యమంత్రి కె చంద్రశేఖర్‌రావు తెరాస ఎమ్మెల్యేల హర్షధ్వానాల మధ్య అసెంబ్లీలో ప్రకటించారు. ఈ విషయాన్ని వివిధ సర్వేలు సైతం ధ్రువీకరిస్తున్నాయని స్పష్టం చేశారు. శుక్రవారం అసెంబ్లీ సమావేశంలో బడ్జెట్‌పై ఆర్థిక మంత్రి ఈటల రాజేందర్ సమాధానమిచ్చారు.

విజయవాడ, మార్చి 17:నెల్లూరు, కడప, కర్నూలు జిల్లాల్లో స్థానిక సంస్థల ఎమ్మెల్సీ స్థానాలకు శుక్రవారం జరిగిన ఎన్నికలు ప్రశాంతంగా ముగిశాయి. అక్కడక్కడ చెదురుమదురు ఘటనలు మినహా ఎలాంటి అవాంఛనీయ సంఘటనలు చోటుచేసుకోలేదు. కడప జిల్లాలో హోరాహోరీగా ప్రచారం సాగటంతో ముందుజాగ్రత్త చర్యగా అసాధారణ పోలీస్ బందోబస్తు ఏర్పాటైంది. ప్రతి పోలింగ్ కేంద్రంలో సిసి కెమెరాలు, వెబ్ కెమెరాలు, డ్రోన్ కెమెరాలు ఏర్పాటు చేశారు.

విజయవాడ, మార్చి 17: రాష్ట్రంలో చిన్న, మధ్యతరహా పరిశ్రమల ఏర్పాటులో సహకరించేందుకు మలేసియా ప్రభుత్వం ముందుకొచ్చింది. ఇందులోభాగంగా తొలుత అమరావతిలో వంద ఎకరాల విస్తీర్ణంలో ఫోర్త్ జనరేషన్ టెక్నాలజీ పార్కును ఏర్పాటు చేయనున్నారు. ఈ పార్కులో తొలిదశలో 30, 40 పరిశ్రమల ఏర్పాటు ద్వారా రూ.350 కోట్ల పెట్టుబడులు రానున్నాయి.