హైదరాబాద్, ఆగస్టు 1: ఆర్థిక రంగంలో నిష్ణాతులు, ఉభయ తెలుగు రాష్ట్రాల హైదరాబాద్ హైకోర్టు సీనియర్ న్యాయమూర్తి జస్టిస్ రమేష్ రంగనాథ్‌ను ఉమ్మడి హైకోర్టు తాత్కాలిక ప్రధాన న్యాయమూర్తిగా కేంద్ర న్యాయ మంత్రిత్వశాఖ నియమించింది. ఈ మేరకు న్యాయ శాఖ సంయుక్త కార్యదర్శి రాజేందర్ కశ్యప్ ప్రత్యేక గెజిట్ ప్రకటన విడుదల చేశారు.

నూజివీడు, ఆగస్టు 1: కృష్ణానది వైపుకి గోదావరి జలాలు గలగలాపారిస్తున్న పోలవరం కుడికాల్వకు సోమవారం తెల్లవారుఝామున గండిపడింది. కృష్ణాజిల్లా నూజివీడు మండలం పల్లెర్లమూడి గ్రామ సమీపంలోని 122.100 కిలోమీటరు వద్ద రామిలేరు అండర్ టనె్నల్ పక్కనే గండి పడటంతో నీరంతా వృథాగా కొల్లేరులోకి పోతోంది.

హైదరాబాద్, ఆగస్టు 1: ఎమ్సెట్-2 పేపర్ లీక్ కుంభకోణంపై అనేక ఆరోపణలు వస్తున్న నేపథ్యంలో ఈ మొత్తం వ్యవహారంపై సిబిఐ చేత విచారణ జరిపించాలని ఎబివిపి రాష్టక్రార్యదర్శి అయ్యప్ప డిమాండ్ చేశారు. సోమవారం నాడు ఆయన రాష్ట్ర కార్యాలయంలో పాత్రికేయులతో మాట్లాడుతూ ఎమ్సెట్ లీక్ కాదని, ఇది టిఆర్‌ఎస్ ప్రభుత్వ పెద్దల హయాంలో జరిగిన అతి పెద్ద స్కాం అని ఆరోపించారు.

హైదరాబాద్, ఆగస్టు 1: బిజెపికి విడాకులు ఇవ్వాలంటూ గళమెత్తుతున్న తెదేపా నేతల తీరుపై ఆ పార్టీలో చర్చ మొదలయింది. తాము కూడా అదే కోరుకుంటున్నామని, అది ఎంత త్వరగా జరిగితే పార్టీకి అంత మంచిదన్న అభిప్రాయం వ్యక్తమవుతోంది. తెదేపాతో విడిపోవాలని మెజారిటీ నేతలు కోరుకుంటుండగా, మంత్రులు కామినేని శ్రీనివాస్, మాణిక్యాలరావు మాత్రం కలసి ఉండాలని కోరుకోవడం పార్టీ నేతలను విస్మయానికి గురిచేస్తోంది.