హైదరాబాద్, జూన్ 21:అమరావతిలో స్విస్ చాలెంజ్ విధానంలో చేపట్టనున్న నిర్మాణాలపై ప్రభుత్వ ఉన్నతాధికారుల్లో వ్యతిరేకత కనిపిస్తోంది. దీనిపై స్వయంగా ప్రభుత్వ ప్రధాన కార్యదర్శి కూడా వ్యతిరేకత వ్యక్తం చేసి, సంతకం చేయడానికి నిరాకరించినట్లు ప్రభుత్వ వర్గాల కథనం.

హైదరాబాద్, జూన్ 21: మానవుల్లోని అన్ని రకాల శారీరక, మానసిక రుగ్మతలకు యోగ ఆసనాలు అద్భుతమైన నివారిణి అని, ఆరోగ్యకరమైన జీవితం కావాలంటే ప్రతి వ్యక్తి ప్రతి రోజూ కొంతసేపుయోగ ఆసనాలు, ధ్యానం చేయాలని రాష్ట్ర గవర్నర్ ఇఎస్‌ఎల్ నరసింహన్ అన్నారు. మానసిక ఒత్తిళ్లు, ఆందోళన లక్షణాల నుంచి విముక్తి పొందేందుకు యువకులు తప్పనిసరిగా యోగ ఆసనాలు చేయాలన్నారు.

హైదరాబాద్, జూన్ 21: ఆంధ్రప్రదేశ్ ముఖ్యమంత్రి ఎన్ చంద్రబాబునాయుడు సహా 13 మందితో కూడిన జంబో బృందం ఈ నెల 26 నుండి చైనాలో పర్యటించనుంది. ఇందుకు షెడ్యూలును, చంద్రబాబు వెంట వెళ్లే అధికారుల జాబితాను మంగళవారం ఖరారు చేశారు. ప్రధానంగా వౌలిక సదుపాయాల కల్పన, భవన నిర్మాణం, రోడ్లు, ట్రాఫిక్ , వ్యర్థ పదార్థాల యాజమాన్య పద్ధతులు పరిశీలించడంతో పాటు పారిశ్రామికవేత్తలతోనూ ఈ బృందం సమావేశం అవుతుంది.

రాజమహేంద్రవరం, జూన్ 21: గోదావరి మహా పుష్కరాల తొలి రోజున రాజమహేంద్రవరంలోని పుష్కరాల రేవులో జరిగిన తొక్కిసలాటకు ఎవరు బాధ్యులన్న విషయాన్ని తేల్చాలని పలువురు కోరారు. రానున్న కృష్ణా పుష్కరాలను దృష్టిలో ఉంచుకుని ఇలాంటి దుర్ఘటనలు పునరావృతం కాకుండా జస్టిస్ సోమయాజులు కమిషన్ ప్రభుత్వాలకు తగిన సూచనలు, సలహాలు ఇవ్వాలని విజ్ఞప్తిచేశారు.