న్యూఢిల్లీ, జూన్ 23: ఆంధ్రప్రదేశ్ ప్రభుత్వం మొండిగా, నిరంకుశత్వంతో వ్యవహరించటం వల్లనే గురువారం జరిగిన సమావేశంలో కూడా ఎలాంటి స్పష్టత రాలేదని హరీశ్‌రావు చెప్పారు. వివాదాన్ని పరిష్కరించేందుకు కేంద్రం చేస్తున్న సూచనలను కూడా పట్టించుకోవటం లేదని ఆరోపించారు.

హైదరాబాద్, జూన్ 23: ఆంధ్రప్రదేశ్ ప్రభుత్వ శాఖలు హైదరాబాద్ నుండి అమరావతికి తరలించే ప్రక్రియ వేగాన్ని పుంజుకుంది. 27వ తేదీ నుండి అమరావతి నుండే కార్యకలాపాలు నిర్వహించాలన్న ప్రభుత్వ ఆదేశాల మేరకు వివిధ ప్రభుత్వ శాఖల అధిపతుల కార్యాలయాల తరలింపు మొదలైంది. కార్పొరేషన్లు, ప్రభుత్వ రంగ సంస్థలు, వివిధ శాఖల్లో పనిచేస్తున్న సహకార సంఘాలు, అనుబంధ కార్యాలయాలు తరలింపు మొదలైంది.

ధర్మవరం రూరల్, జూన్ 23: చేనేత వ్యాపారులకు కోట్ల రూపాయలు బకాయి ఉన్న కళానికేతన్ టెక్స్‌టైల్స్ అండ్ జ్యుయలరీస్ సంస్థ ఎండి లీలాకుమార్‌ను 14 రోజుల రిమాండ్‌కు ఆదేశిస్తూ న్యాయమూర్తి ఉత్తర్వులు జారీచేశారు. లీలాకుమార్‌ను ధర్మవరం పోలీసులు బుధవారం కర్నూలులో అరెస్టు చేశారు.

మదనపల్లె, జూన్ 23: ‘నవ మాసాలు మోసి కన్నబిడ్డకు అంతుపట్టని రోగం సోకింది. తల్లిదండ్రులుగా మాకున్న సర్వశక్తులు ఒడబోసి వైద్యచికిత్సలు చేయించాం. రెండునెలల గడువుకు నెలరోజులుగా అభంశుభం ఎరుగని 8నెలల చిన్నారి నోరు విప్పి చెప్పలేక పడుతున్న బాధను కళ్ళెదుట చూడలేకున్నాం. ఎంత వ్యయప్రయాసలు చేసినా ఫలితం ఉండబోదని వైద్యులు చెబుతున్నారు.