గుంటూరు, జూన్ 25: రాష్ట్రంలోని ప్రతి పేద కుటుంబానికీ ఆహార భద్రతలో భాగంగా అన్న క్యాంటిన్‌లను ఏర్పాటు చేయనున్నట్లు ముఖ్యమంత్రి చంద్రబాబు వెల్లడించారు. హరేకృష్ణ సమాజం సహకారంతో వెలగపూడిలో అన్న క్యాంటిన్‌ను ముఖ్యమంత్రి చంద్రబాబు శనివారం ప్రారంభించారు. రాజధాని అమరావతి ప్రాంతంలో మూడు క్యాంటిన్లను త్వరలో ఏర్పాటు చేస్తామని, ఆపై రాష్టమ్రంతటా విస్తరింపజేస్తామన్నారు.

హైదరాబాద్, జూన్ 25: షహదత్ ఆఫ్ హజరత్ అలీ (ఎఎస్) సందర్భంగా 27న ఐచ్చిక సెలవును ప్రభుత్వం ప్రకటించింది. ఈమేరకు సిఎస్ రాజీవ్ శర్మ పేరిట శనివారం జీవో విడుదలైంది. ప్రభుత్వం ఇప్పటికే ప్రకటించిన సెలవుల పట్టికలో ఎఎస్ ఆదివారం ఉంటుందని పేర్కొంది. అయతే, చంద్రుడి గమనం ప్రకారం ఐచ్చిక సెలవును 27కి మార్చారు. రాష్ట్ర వక్ఫ్‌బోర్డు సిఇఓ రాసిన లేఖను పరిగణనలోకి తీసుకుని సెలవులో మార్పు చేసింది.

హైదరాబాద్, జూన్ 25 : బంగాళాఖాతంలో ఏర్పడ్డ ఉపరితల ద్రోణి వచ్చే 24 గంటల్లో అల్పపీడనంగా మారే అవకాశం ఉందని, దాంతో కోస్తాంధ్ర, తెలంగాణ జిల్లాల్లో వచ్చే మూడు రోజుల్లో భారీ నుండి అతిభారీ వర్షాలు కురిసే అవకాశం ఉందని భారత వాతావరణ శాఖ (ఐఎండి) హెచ్చరించింది. ఈ మేరకు శనివారం ఐఎండి శాస్తవ్రేత్త చరణ్ సింగ్ ఒక ప్రకటన జారీ చేశారు.

రాజేంద్రనగర్, జూన్ 25: వర్శిటీల స్వయంప్రతిపత్తిపై ప్రభుత్వాలు జోక్యం చేసుకోవడం మంచిపద్ధతి కాదని తెలంగాణ జేఏసీ చైర్మెన్ కోదండరామ్ ఆగ్రహం వ్యక్తం చేశారు. శనివారం రాజేంద్రనగర్‌లోని వెటర్నరీ కళాశాలలో వర్శిటీ స్వయంప్రతిపత్తిపై రౌండ్ టేబుల్ సమావేశం నిర్వహించారు.