విశాఖపట్నం, ఫిబ్రవరి 5: సముద్ర జలాల్లో విధ్వంసానికి కుట్ర పన్నుతోన్న ఉగ్రవాద ఆగడాలు అరికట్టేందుకు నౌకాదళం కట్టుదిట్టమైన చర్యలు తీసుకుంటోందని భారత నౌకాదళ ప్రధానాధికారి అడ్మిరల్ ఆర్‌కె ధావన్ వెల్లడించారు. ఇంటర్నేషనల్ ఫ్లీట్ రివ్యూలో భాగంగా శుక్రవారం జాతీయ, అంతర్జాతీయ మీడియా సమావేశంలో మాట్లాడారు.

కర్నూలు: తనకు జరిగిన అవమానానికి ఎఐసిసి సభ్యులు వచ్చి వివరణ ఇస్తే తప్ప పార్టీ కార్యకర్తలు శాంతించబోరని కేంద్ర మాజీ మంత్రి కోట్ల సూర్యప్రకాశ్‌రెడ్డి ఆల్టిమేటం జారీ చేశారు. అనంతపురం జిల్లా బండ్లపల్లిలో 2వ తేదీ రాహుల్‌గాంధీ సభకు హాజరైనపుడు జరిగిన అవమానంపై కోట్ల సూర్యతో చర్చించడానికి గురువారం సాయంత్రం మాజీ మంత్రి శైలజానాథ్ ఆయన స్వగ్రామం కర్నూలు జిల్లా లద్దగిరికి వచ్చారు.

విజయవాడ: కాపులను బీసీల్లో చేర్చేందుకు ఆరుగురు మంత్రులతో కూడిన మంత్రివర్గ ఉపసంఘాన్ని నియమించారు. ఇందులో ఉప ముఖ్యమంత్రులు కెఇ కృష్ణమూర్తి, నిమ్మకాయల చినరాజప్పతో పాటు మంత్రులు యనమల రామకృష్ణుడు, గంటా శ్రీనివాసరావు, పి నారాయణ, కొల్లు రవీంద్ర ఉంటారు. ఇదిలావుంటే, మంజునాథ కమిషన్ ఛైర్మన్ జస్టిస్ మంజునాథ గురువారం నగరానికి చేరుకుని ముఖ్యమంత్రితో భేటీ కానున్నారు.

విశాఖపట్నం: వందకుపైగా యుద్ధ నౌకలు. 90కి పైగా యుద్ధ విమానాలు. ఏ దేశ నౌకాదళమైనా సగర్వంగా చెప్పుకునే పండుగ అంతర్జాతీయ సముద్ర సమీక్ష. ఏ దేశంలోనైనా అత్యంత అరుదుగా జరిగే కార్యక్రమమిది. అంతర్జాతీయ యుద్ధ నౌకల సమీక్షకు సన్నాహాలు పూర్తయ్యాయి. భౌగోళికంగా సరిహద్దు తగాదాలుండొచ్చు. వర్తక, వాణిజ్య విషయాల్లో భేదాభిప్రాయాలు ఉండచ్చు. షరతులు, నిబంధనల విషయంలో అభిప్రాయ భేదాలు ఉండొచ్చు.