కడప, జూలై 28: ఇనే్నళ్లూ వరదలతో పంటలను ముంచెత్తి, కడప జిల్లా రైతులకు కన్నీళ్లు మిగిల్చి సోమశిలకు తరలిపోతున్న కుందూనదికి అడ్డుకట్ట వేసేందుకు ఉద్యమం మొదలైంది. కడప జిల్లాలో ఉక్కు ఫ్యాక్టరి కోసం 365 రోజులు రిలే నిరాహారదీక్షలు చేసి రికార్డు సృష్టించిన రాయలసీమ కమ్యూనిస్టుపార్టీ ఈ ఉద్యమానికి తొలి అడుగు వేసింది.

హైదరాబాద్, జూలై 28: మరో బృహత్తర పథకానికి తెలంగాణ ప్రభుత్వం శ్రీకారం చుట్టనుంది. పాఠశాల విద్యార్థులకు మధ్యాహ్న భోజన పథకంలో దేశం మొత్తంలో శభాష్ అనిపించుకున్న తెలంగాణ ప్రభుత్వం ఈ పథకాన్ని కాలేజీ విద్యార్థులకు కూడా వర్తింపచేయడానికి సిద్ధమవుతోంది.

హైదరాబాద్, జూలై 28: ఆధునిక సాంకేతిక పరిజ్ఞానంతో ముందుకు సాగాల్సిన అవసరం ఎంతైనా ఉందని, కాంగ్రెస్ పార్టీ సీనియర్ నాయకుడు, కేంద్ర మాజీ మంత్రి పి.చిదంబరం అన్నారు. పార్టీ బలోపేతానికి సాంకేతికతను సమర్థంగా వినియోగించుకోవాలని నేతలకు ఆయన సూచించారు. శనివారం గాంధీభవన్‌లో శక్తి యాప్‌పై సమీక్ష నిర్వహించారు.

హైదరాబాద్: ఎమ్మెల్యేలు, ఎమ్మెల్సీల నియోజకవర్గాల అభివృద్ధి కోసం ప్రభుత్వం తాజాగా రూ.168 కోట్లు విడుదల చేసింది. 2017-18 చివరి మూడు నెలలకు, 2018-19 మొదటి మూడు నెలలకు కలిపి నిధులను విడుదల చేశారు. ఒక్కో నియోజకవర్గానికి రూ.120 లక్షలు కేటాయించారు. ఎమ్మెల్యేలు, ఎమ్మెల్సీలు స్వయంగా ఖర్చు చేసేందుకు నియోజకవర్గాల అభివృద్ధి నిధులను ప్రభుత్వం గతంలోనే మంజూరు చేసింది.