హైదరాబాద్, నవంబర్ 16: తెలంగాణ రాష్ట్రంలో ఉన్న ఎస్సీ,ఎస్టీ, బిసి , మైనార్టీ , జనరల్ , కస్తూర్బా గాంధీ బాలికల విద్యాలయాలు, మోడల్ స్కూళ్లలో విద్యార్ధులందరికీ ఒకే రకమైన భోజన వసతులు, వౌలిక వసతులు కల్పించాలని ఉప ముఖ్యమంత్రి కడియం శ్రీహరి అధికారులను ఆదేశించారు. ఈ మేరకు కావల్సిన నిధులకు సంబంధించి ప్రతిపాదనలు సిద్ధం చేయాలని అన్నారు.

హైదరాబాద్, నవంబర్ 16: వచ్చే ఏడాది మార్చిలోగా రాష్ట్రంలో లక్ష ఎకరాలకు సాగు నీరు అందిస్తామని నీరుపారుదల మంత్రి హరీష్‌రావు పేర్కొన్నారు. అసెంబ్లీలో ప్రశ్నోత్తర కార్యక్రమంలో ఎత్తిపోతల పథకం పనులపై ఎమ్మెల్యే వేముల వీరేశం అడిగిన ప్రశ్నలకు మంత్రి సమాధానం ఇచ్చారు. ఉదయ సముద్రం ఎత్తిపోతల పనులు శరవేగంగా జరుగుతున్నాయని అన్నారు.

హైదరాబాద్, నవంబర్ 16: శ్రీరాంసాగర్ ప్రాజెక్టు ఆయకట్టు రైతులకు శుభవార్త. ఎస్‌ఆర్‌ఎస్‌పి పరిధిలో ఈ యాసంగి సీజన్‌లో 6.10 లక్షల ఎకరాలకు సాగునీటిని సరఫరా చేయాలని రాష్ట్రప్రభుత్వం నిర్ణయించింది. డిసెంబర్‌లో ఈ సాగునీటిని విడుదల చేయాలని, ఈ విషయమై నాలుగు జిల్లాల కలెక్టర్లతో వీడియో కాన్ఫరెన్సును నిర్వహించాలని మంత్రులు ఈటల రాజేందర్, హరీశ్‌రావు ఉన్నతాధికారుల సమావేశంలో వెల్లడించారు.

హైదరాబాద్, నవంబర్ 16: దళిత విద్యార్థులకు చెల్లించాల్సిన స్కాలర్‌షిప్‌లకోసం ప్రభుత్వం గురువారం దాదాపు 108 కోట్ల రూపాయలు విడుదల చేసింది. ప్రస్తుత ఆర్థిక సంవత్సరం (2017-18) లో 1785 కోట్ల రూపాయలను కేటాయించారు. ఇందులో ఇప్పటి వరకు 1251 కోట్ల రూపాయలు విడుదల చేశారు.