హైదరాబాద్, ఆగస్టు 28: శాసనసభా నియోజకవర్గాల అభివృద్ధి కోసం 225 కోట్ల రూపాయలను ప్రభుత్వం విడుదల చేసింది. ఎమ్మెల్సీలు, ఎమ్మెల్యేల పరిధిలో శాసనసభా నియోజవర్గాల్లో అభివృద్ధి పనులను చేపట్టేందుకు ప్రభుత్వం ప్రత్యేకంగా నిధులను కేటాయిస్తున్న విషయం ఈ సందర్భంగా గమనార్హం.

హైదరాబాద్, ఆగస్టు 28: నంద్యాల ఉప ఎన్నిక ఫలితం తెలంగాణ తెలుగు దేశం పార్టీలోనూ నూతనోత్సాహం కలిగించింది. ఫలితం వెలువడిన వెంటనే హైదరాబాద్‌లోని పార్టీ కేంద్ర కార్యాలయం (ఎన్టీఆర్ భవన్)లో పార్టీ ప్రధాన కార్యదర్శి ఎం. అమర్‌నాథ్ బాబు, కార్యక్రమాల కమిటీ నాయకుడు జి. బుచ్చిలింగం అధ్వర్యంలో కార్యకర్తలు టపాకాయలు కాల్చారు, మిఠాయిలు పంచుకున్నారు.

హైదరాబాద్, ఆగస్టు 28: భారత్‌తో చైనా డోక్లాం విషయంలో దోబూచులాడుతోందని తెలంగాణ రాష్ట్ర భజరంగ్‌దళ్ కన్వీనర్ భానుప్రకాష్ ఆరోపించారు. చైనా వ్యవహారాలు చూస్తుంటే భారత్‌కు భవిష్యత్ శత్రువులా కనిపిస్తోందని, టెర్రర్ కార్యకలాపాల్లో చైనా పాక్‌కు సహకరిస్తున్నట్టు ఆ దేశ చేష్టలు చూస్తుంటే అర్ధమవుతోందని పేర్కొన్నారు.

హైదరాబాద్, ఆగస్టు 28: రాష్ట్ర పరిశ్రమలు, ఐటి మంత్రి కె. తారకరామరావు ప్రాతినిధ్యం వహిస్తున్న సిరిసిల్ల నియోజకవర్గంలోని మూడు గ్రామపంచాయితీలకు నిర్మించే భవనాలను ఆదర్శ (మాడల్) భవనాలుగా రూపుదిద్దాలని ప్రభుత్వం నిర్ణయించింది. గంభీరావుపేట, ముస్తాబాద్, ఎల్లారెడ్డిపేట గ్రామాల్లో మాడల్ గ్రామపంచాయితీ భవనాలను నిర్మించాలని నిర్ణయించారు.