S ,7 à 8 RSCA (si SASPAS) et 6 cialis pharmacie cialis rapports de stage.

అవీ .. ఇవీ..

11/18/2017 - 19:22

ప్రపంచ ప్రఖ్యాతిగాంచిన నేషనల్ జియోగ్రాఫికల్ సంస్థ ఎప్పటిలా వరల్డ్ నేచర్ ఫొటోగ్రఫీ పోటీలు నిర్వహిస్తోంది. ప్రపంచం నలుమూలల నుంచి నిపుణులైన ఫొటోగ్రాఫర్లు తీసిన అరుదైన, అందమైన ఛాయాచిత్రాలను ఎంట్రీలుగా పంపిస్తున్నారు. ఈ పోటీలో గ్రాండ్ విన్నర్‌కు 7500 అమెరికల్ డాలర్ల మొత్తాన్ని బహుమతి ఇస్తారు. ఛానల్‌లో ఆయా ఛాయాచిత్రాల ప్రదర్శనతోపాటు ఆ సంస్థకు చెందిన ఇన్‌స్టాగ్రామ్ అకౌంట్‌లో పోస్ట్ చేస్తారు.

11/18/2017 - 19:19

నీళ్లలో వేసిన ఓ క్యూబ్‌ను పట్టుకునేందుకు ఎంతో శ్రద్ధతో ప్రయత్నిస్తున్న ఈ శునకం ఓ సంకరజాతికి చెందినది. బ్రిటన్‌లో ఈ మధ్య ప్రపంచ శునకాల పోటీ నిర్వహించారు.
అందులో పాల్గొన్న ఈ శునకం విజయం కోసం ఇలా ప్రయత్నిస్తోంది. లక్ష్యాన్ని ఛేదించేందుకు ఆ వస్తువును ఎలా తీక్షణంగా చూస్తోందో చూడండి.

11/11/2017 - 18:09

బ్రిటిష్ వైల్డ్‌లైఫ్ ఫొటోగ్రఫీ పోటీల్లో ఎంపికైన చిత్రం ఇది. మంచుగా మారుతున్న సముద్ర జలాల్లో బతుకు జీవుడా అంటూ ఈదుతూ వచ్చేస్తున్న ఓ సముద్ర పక్షి యాతనకు ఇది సజీవ సాక్ష్యం. మనం చూడటానికి ఈ దృశ్యం బాగుంది. కానీ ఆ పక్షి పడుతున్న ఇబ్బంది అంతాఇంతాకాదు. యార్క్‌షైర్‌లో ఈ దృశ్యం కనిపించింది.

11/11/2017 - 18:07

జీవజాతుల్లో అతి చిన్నవి ఉంటాయి. వాటిని ఎంత దగ్గర నుంచి చూసినా మనం గమనించలేని అంశాలు చాలానే ఉంటాయి. వాటిని మైక్రోస్కోపులో చూస్తే వాటి విశ్వరూపం కనిపిస్తుంది. ఇలా మైక్రో ఫొటోగ్రఫీతో అతి చిన్నజీవుల నిగూఢ రూపాన్ని ఆవిష్కరించారు చాలామంది. నికాన్ సంస్థ నిర్వహించే వార్షిక మైక్రో ఫోటోగ్రఫీ పోటీల్లో బహుమతులు గెలుచుకున్న కొన్ని చిత్రాలు ఇవి.

11/11/2017 - 18:06

థాయ్‌లాండ్‌లో ఈ కనువిందైన దృశ్యం గోచరించింది. తాయ్ జో పట్టణంలో ఈ పెంగ్ వేడుకల సందర్భంగా ఈ దీపాల లాంతర్లను ఒకేసారి పెద్దసంఖ్యలో విడిచిపెట్టారు. వాటి వెలుగుల్లో వేడుకలు నిర్వహించుకున్నారు. ఈ లాంతర్లను వెదురు, గడ్డిపోచలతో తయారు చేయడం ప్రత్యేకత.

11/05/2017 - 00:06

చలికాలంలో మనం వెచ్చదనం కోసం స్వెట్టర్లు వేసుకుంటాం. కానీ చైనాలో కొందరు చెట్లను చలి నుంచి రక్షించడం కోసం రహస్యంగా స్వెట్లర్లు, ఊలుదారాలు చుట్టి సంచలనం సృష్టిస్తున్నారు. ప్రధానంగా షెన్‌యాంగ్ పట్టణంలో రాత్రుళ్లు గుర్తు తెలియని వ్యక్తులు ఇలా చెట్లకు స్వెట్టర్లు అల్లేస్తున్నారు. ఇది కొద్ది సంవత్సరాలుగా ఒక సంప్రదాయంగా మారిపోయింది. చైనాలోని లియాంగ్ ప్రావిన్స్‌లో ఇది ఒక పర్యాటక ఆకర్షణ.

11/05/2017 - 00:04

స్పెయిన్‌లోని కాటలోనియా ప్రాంతం ప్రత్యేక దేశంగా విడిపోవాలని ఉద్యమిస్తోంది. కాటలోని భాష మాట్లాడే వారంతా ఉద్యమిస్తున్నారు. ఈ ప్రాంతం లో పది అంతస్తుల్లో ఒకరిపై ఒకరు నిలుచుని మానవ స్థూపాల్లా నిలబడటం కాటలోనియన్ల ప్రత్యేకత. ఉత్సవాలు, ఉద్యమాల వేల వారు ఈ ప్రదర్శనలు ఇస్తూంటారు. ఇక్కడి మానవస్థూపాలకు ‘యునెస్కో’ గుర్తింపు కూడా ఉండటం దీని ప్రాధాన్యతను తెలుపుతుంది.

11/05/2017 - 00:02

ముఖం కన్పించకుండా చెట్లు లేదా తెరవెనుక నించుని తొంగి చూస్తూ ఎక్కడున్నానో చెప్పుకో అంటూ చిన్నపిల్లలు ఆడే దొంగాట తెలుసుగా.. ఇదిగో ఇక్కడ కన్పిస్తున్న ఓ గుడ్లగూబ ముఖం కనీకన్పించకుండా చటుక్కున ఎగిరి వచ్చి ఆహారాన్ని తన్నుకుపోయే ప్రయత్నంలో ఉంది. తన రెక్కలను ముఖానికి అడ్డుగా వచ్చేటట్లు విసురుతూ మాటువేసి దెబ్బతీయడం ఈ పక్షుల ప్రత్యేకత. పైగా మిగతా పక్షులు ఎగిరినప్పుడు రెక్కల చప్పుడు వినిపిస్తుంది.

10/28/2017 - 17:59

ప్రపంచంలోనే అతి సంక్లిష్టమైన వంతెనల మార్గం ఇది. చైనాలోని హింగ్‌జువాన్ ఓవర్‌పాస్ ఇది. ఐదంచెలలో 16414 మీటర్ల పొడవుతో దీనిని రూపొందించారు. 20 ర్యాంపులు, 15 బయటకు వెళ్లే మార్గాలు ఉన్నాయి. పొరపాటున ఒక మార్గానికి బదులు మరో మార్గంలోకి వెళితో సరైన మార్గంలోకి వెళ్లేందుకు ఏర్పాట్లు ఉన్నాయి. అయితే కనీసం ఒక కిలోమీటర్ దూరం వెళ్లాకే మనం అసలు మార్గంలోకి వెళ్లగలం. 2009లో ఈ ప్రాజెక్టు మొదలుపెట్టారు.

10/28/2017 - 17:57

న్యూయార్క్‌లోని క్రొటన్ అండ్ హడ్సన్ ప్రాంతంలోని నదీతీరంలో ఏటా జరిగే ‘గ్రేట్‌జాక్ ఒ’లాంటర్న్ బ్లేజ్’ వేడుకలు జరగడం ఆనవాయితీ. దాదాపు 7వేల గుమ్మడి పండ్లను కళాఖండాలుగా తీర్చిదిద్ది వాటికి వెలుగదివ్వెలను అమర్చి అద్భుత కళాకాంతులు వెదజల్లేలా చేయడం ఈ వేడుకలో భాగం. విచిత్ర వేషధారణలు, వివిధ చిత్రాలు, సీరియల్స్‌లోని పాత్రలు, దెయ్యాలు, భూతాల రూపాల్లో వీటిని తీర్చిదిద్ది ప్రదర్శించడం ఈ వేడుకలో ఆకర్షణ.

Pages