S ,7 à 8 RSCA (si SASPAS) et 6 cialis pharmacie cialis rapports de stage.

ఆంధ్రప్రదేశ్‌

06/06/2016 - 18:10

విజయవాడ: ఈనెల 27 నుంచి అమరావతిలో విధులు నిర్వహించేందుకు తాము సిద్ధంగా ఉన్నామని ఎపి రెవెన్యూ ఉద్యోగుల సంఘం అధ్యక్షుడు బొప్పరాజు సోమవారం తెలిపారు. కొద్దిమంది ఉద్యోగులు చేస్తున్న దుష్ప్రచారాన్ని ఉద్యోగులందరికీ ఆపాదించరాదన్నారు. కార్యాలయాలను ఏర్పాటు చేసేందుకు తగిన వసతి చూపాల్సిన బాధ్యత ప్రభుత్వానిదేనన్నారు.

06/06/2016 - 18:09

విజయవాడ: పేద ప్రజలకు సేవ చేయడానికి బదులు దీర్ఘకాలంగా సెలవులో ఉంటున్న ప్రభుత్వ వైద్యులను వెంటనే సర్వీస్ నుంచి తొలగించాలని ఎపి సిఎం చంద్రబాబు ఆదేశించారు. ఈనెల 8న జరిగే ‘మహాసంకల్పం’ సందర్భంగా ఆయన పలు శాఖల అధికారులతో సోమవారం టెలికాన్ఫరెన్స్ నిర్వహించారు. అన్ని శాఖలకు లక్ష్యాలను నిర్దేశించామని, ప్రజల ఆకాంక్షల మేరకు అధికారులు పనిచేసేలా కలెక్టర్లు చర్యలు తీసుకోవాలన్నారు.

06/06/2016 - 18:08

ఒంగోలు: విభజన చట్టంలో ఎపికి ఇచ్చిన హామీలన్నింటినీ నెరవేర్చామని, ప్రత్యేకహోదా అనే అంశం ఆ చట్టంలో లేనేలేదని కేంద్ర మంత్రి ప్రకాష్ జవదేకర్ సోమవారం ఇక్కడ తెలిపారు. ఎపి ప్రగతికి కేంద్రం అన్ని విధాలుగా సహకరిస్తోందని, ఇప్పటికే పలు ఇరిగేషన్ ప్రాజెక్టులను, విద్యాసంస్థలను మంజూరు చేశామని అన్నారు. అవినీతి రహిత పాలన అందించేందుకు ప్రధాని మోదీ కృషి చేస్తున్నారని ఆయన వివరించారు.

06/06/2016 - 18:08

హైదరాబాద్: అనంతపురం ప్రాంతానికి చెందాల్సిన నీటి వనరులను పొరుగు రాష్ట్రాల వారు తరలించుకుపోతున్నా జిల్లాకు చెందిన మంత్రులు నోరు విప్పడం లేదని కాంగ్రెస్ నాయకుడు శైలజానాథ్ విమర్శించారు. ఎంతసేపూ కాంగ్రెస్‌ను నిందించడం తప్ప టిడిపి మంత్రులు చేస్తున్నదేమిటని ఆయన ప్రశ్నించారు. విమర్శలు, ప్రతి విమర్శలు చేసుకుంటూ ఓ కొత్త రాజకీయ విషసంస్కృతికి టిడిపి, వైకాపా నేతలు తెరలేపారని ఆయన అన్నారు.

06/06/2016 - 16:54

విజయవాడ: కృష్ణా జిల్లా ఆగిరిపల్లిలో సోమవారం ఉదయం ఓ ఎస్‌ఐపై, కానిస్టేబుల్‌పై దాడి చేసేందుకు కొందరు రౌడీషీటర్లు ప్రయత్నించడంతో పరిస్థితి ఉద్రిక్తంగా మారింది. పోలీసులు భారీగా మోహరించి రౌడీ షీటర్ల ఇళ్లలో సోదాలు చేసేందుకు నిర్ణయించారు.

06/06/2016 - 16:54

విజయవాడ: అమరావతికి వెళ్లడానికి ఇష్టం లేని కొద్దిమంది ఉద్యోగులు చేస్తున్న దుష్ప్రచారంతో ఉద్యోగుల సంఘానికి సంబంధం లేదని ఎపి ఎన్టీవోల సంఘం అధ్యక్షుడు అశోక్‌బాబు అన్నారు. ఆగస్టు నాటికి అన్ని ప్రభుత్వ విభాగాలు అమరావతికి వెళ్లాల్సిందేనని అన్నారు. వెలగపూడిలో తాత్కాలిక సచివాలయ భవనాలతో పాటు ప్రైవేటు భవనాలలోకి ఎపి కార్యాలయాలు వెళతాయని అన్నారు.

06/06/2016 - 16:52

విజయవాడ: కాపుగర్జన సందర్భంగా ఇటీవల తుని వద్ద జరిగిన విధ్వంసకాండకు సంబంధించి పదిమంది నిందితులను పోలీసులు సోమవారం అరెస్టు చేశారు. విధ్వంసానికి సాక్షీభూతంగా నిలిచిన సిసి టీవీ ఫుటేజి, వీడియోలు, ఫొటోల ఆధారంగా నిందితులను గుర్తించారు. కడప, గుంటూరుకు చెందిన కొందరు విధ్వంసంలో పాల్గొన్నట్టు ప్రాథమిక సాక్ష్యాలు లభించాయని తెలిసింది.

06/06/2016 - 16:51

హైదరాబాద్: ఎపి సిఎం చంద్రబాబు సాధిస్తున్న అభివృద్ధిని చూసి జీర్ణించుకోలేకే విపక్ష నేత జగన్ నోటికొచ్చినట్లు మాట్లాడుతున్నారని టిడిపి నేత, మాజీ మంత్రి ఆనం రామనారాయణ రెడ్డి సోమవారం ఇక్కడ మీడియాతో అన్నారు. సిఎంను అవమానిస్తే రాష్ట్ర ప్రజలందర్నీ అగౌరవపరచినట్టేనని, సభ్యత మరచిపోయి జగన్ నీచమైన వ్యాఖ్యలు చేయడం సరికాదన్నారు.

06/06/2016 - 16:51

రాజమండ్రి: ఇక్కడ గతనెల 26న జరిగిన ధనాల రమేష్ అనే యువకుడి హత్యకు సంబంధించి 11 మంది నిందితులను పోలీసులు సోమవారం అరెస్టు చేశారు. పాతక్షక్షల కారణంగానే రమేష్‌ను అతని ప్రత్యర్థులు దారుణంగా హత్య చేశారు. ప్రత్యర్థివర్గానికి చెందినవారు రమేష్‌ను బలవంతంగా ఎత్తుకుపోయి నిర్మానుష్య ప్రదేశంలో హత్య చేసి, మృతదేహాన్ని రాజమండ్రి ప్రభుత్వ ఆస్పత్రి మార్చురీ వెనక పారేశారు.

06/06/2016 - 14:30

విజయవాడ: రాష్ట్ర విభజన జరిగి రెండేళ్లు పూర్తయినప్పటికీ పోలీసు శాఖలో సిబ్బంది కొరత తీవ్రంగానే ఉందని ఎపి డిజిపి జెవి రాముడు సోమవారం ఇక్కడ మీడియాకు తెలిపారు. హైదరాబాద్ నుంచి పోలీసు శాఖలోని పలు విభాగాలను ఇంకా తరలించాల్సి ఉందని, ఎపిఎస్పీకి 3వేల మంది ఇంకా రావాల్సిఉందని చెప్పారు. పోలీసు శాఖలో వివిధ స్థాయిల్లో ఆరువేల ఉద్యోగాలను భర్తీ చేసేందుకు ప్రభుత్వం అనుమతి ఇచ్చిందన్నారు.

Pages