S ,7 à 8 RSCA (si SASPAS) et 6 cialis pharmacie cialis rapports de stage.

ఆంధ్రప్రదేశ్‌

12/08/2018 - 13:46

నెల్లూరు: ప్రమాదవశాత్తు పెన్నా నదిలో పడి ఇద్దరు చిన్నారులు మృతిచెందిన సంఘటన ఇది. నెల్లూరుకు చెందిన దాసరి ప్రసాద్, దొరసానమ్మలు జొన్నవాడలోని కామాక్షమ్మ ఆలయానికి దర్శనం కోసం వచ్చారు. వారి కుమార్తె కవిత (15), మేనల్లుడు చరణ్ (7)లతో మరో ఇద్దరు పిల్లలతో నదిలో స్నానానికి దిగారు. ప్రమాదవ శాత్తు కవిత, చరణ్ నీటమునిగారు. శనివారం వీరిద్దరి మృతదేహాలు తేలాయ. పోలీసులు కేసు నమోదు చేసి దర్యాప్తుచేస్తున్నారు.

12/08/2018 - 12:25

అమరావతి: ఎంపీ మురళీమోహన్ తయారుచేయించిన మొబైల్ క్యాన్సర్ వాహనాన్ని ముఖ్యమంత్రి చంద్రబాబునాయుడు శనివారంనాడు ప్రారంభించారు. ఈ సందర్భంగా చంద్రబాబు మాట్లాడుతూ ఎంపీ మురళీమోహన్ వలే మిగిలినవారు కూడా ఇలా మొబైల్ వాహనాలను ఏర్పాటుచేస్తే రాష్ట్రం నుంచి క్యాన్సర్‌ను తరిమికొట్టవచ్చని అన్నారు.

12/08/2018 - 12:20

విజయనగరం:జిల్లాలో ఏనుగల సంచారం కలకలం రేపుతోంది. తోటపల్లి ప్రాంతంలో ఏనుగులు గుంపులు గుంపులుగా వచ్చి పంట పొలాలను ధ్వంసం చేస్తున్నాయని రైతులు ఆందోళన చేస్తున్నారు. ఏనుగులను ఒడిశా అటవీ ప్రాంతం వైపు తరిమినా మళ్లీ వస్తున్నాయని తెలిపారు. దీంతో అటవీ అధికారులు తీర ప్రాంత ప్రజలను అప్రమత్తం చేశారు.

12/08/2018 - 03:59

అమరావతి, డిసెంబర్ 7: విమానయానానికి సంబంధించిన శిక్షణ, పరిశోధన కోసం ఒక సంస్థను ప్రకాశం జిల్లా దొనకొండ వద్ద ఏర్పాటు చేసేందుకు ప్రతిపాదనలు సిద్ధం చేయాలని అధికారులను ముఖ్యమంత్రి చంద్రబాబునాయుడు ఆదేశించారు. డ్రోన్‌ల పరీక్షల నిర్వహణను కూడా ఈ కేంద్రంతో అనుసంధానం చేయాలని సూచించారు.

12/08/2018 - 03:50

గుంటూరు, డిసెంబర్ 7: రిజర్వేషన్ల పెంపు నిర్ణయంపై సుప్రీంకోర్టు ఇచ్చిన తీర్పు రాజకీయ పార్టీలకు కనువిప్పు కావాలని ఆంధ్రప్రదేశ్ బీసీ సంక్షేమ సంఘం రాష్ట్ర అధ్యక్షుడు కేసన శంకరరావు తెలిపారు. శుక్రవారం గుంటూరులోని బీసీ సంక్షేమ సంఘ కార్యాలయంలో ఏర్పాటు చేసిన విలేఖర్ల సమావేశంలో శంకరరావు మాట్లాడుతూ దేశంలోని కొన్ని రాష్ట్రాల్లో బీసీల రిజర్వేషన్లను తగ్గించే ప్రయత్నం చేయడం బాధాకరమన్నారు.

12/08/2018 - 03:48

కర్నూలు సిటీ, డిసెంబర్ 7: కర్నూలు నగర శివార్లలో శనివారం నుంచి మూడు రోజుల పాటు ముస్లింలు ఇస్తెమా నిర్వహిస్తున్నారు. ఆల్ ఇండియా ఇస్తెమా కమిటీ ఆధ్వర్యంలో ఓర్వకల్లు మండలం నన్నూర్ టోల్‌ప్లాజా వద్ద ఇస్తెమా నిర్వహణకు విస్తృత ఏర్పాట్లు చేశారు. ఈ సదస్సులో ఢిల్లీకి చెందిన హజరత్ వౌలానాసాద్ సాహెబ్ పాల్గొని ప్రార్థనలు చేస్తారు. గతంలో ఔరంగబాద్‌లో అతిపెద్ద ఇస్తెమా నిర్వహించారు.

12/08/2018 - 03:48

విజయవాడ, డిసెంబర్ 7: ఏపీఎస్ ఆర్టీసీ వేతన సవరణ కమిటీ సమావేశం శుక్రవారం ఎటూ తేలకుండానే వాయిదా పడింది. ఆర్టీసీ సిబ్బందికి 2017 ఏప్రిల్ 1వ తేదీ నుంచి వేతన సవరణ జరగాల్సి ఉంది. గుర్తింపు సంఘం ఎంప్లాయిస్ యూనియన్ ఆధ్వర్యంలో నాల్గవదఫాగా శుక్రవారం వేతన కమిటీ సమావేశం ఆర్టీసీ భవన్‌లో జరిగింది. ఈ సమావేశానికి ఆర్టీసీ ఎగ్జిక్యూటివ్ డైరెక్టర్లు, ఉన్నతాధికారులు హాజరైయ్యారు.

12/08/2018 - 03:47

విజయవాడ(సిటీ), డిసెంబర్ 7: ఓట్ల కోసం చంద్రబాబు ఎంతకైనా దిగజారుతారని ప్రతిపక్ష నేత, వైఎస్‌ఆర్ కాంగ్రెస్ పార్టీ అధ్యక్షుడు వైఎస్ జగన్‌మోహన్‌రెడ్డి విమర్శించారు. తెలంగాణాలో ఓట్ల కోసం అక్కడ ప్రజలను మభ్యపెట్టేందుకు పెద్ద ఎత్తున ప్రకటనలు ఇచ్చారని శుక్రవారం ట్విట్టర్ వేదికగా జగన్ విమర్శించారు. తెలంగాణ ఎన్నికల్లో ఓట్ల కోసం ప్రభుత్వం తరుపున భారీ ప్రకటనలు ఇచ్చారని ఆరోపించారు.

12/08/2018 - 04:00

విజయవాడ, డిసెంబర్ 7: రాష్ట్రంలోని వివిధ జిల్లాల్లో కరవు పరిస్థితిని అధ్యయనం చేసేందుకు వచ్చిన కేంద్ర బృందంతో రాష్ట్ర ప్రభుత్వ ప్రధాన కార్యదర్శి (సీఎస్) అనిల్ చంద్ర పుణేఠా భేటీ అయ్యారు. ఈ సందర్భంగా కేంద్ర బృందం సభ్యులు మాట్లాడుతూ తగు సాయం అందేలా చర్యలు తీసుకుంటామని హామీ ఇచ్చారు.

12/08/2018 - 03:40

విశాఖపట్నం, డిసెంబర్ 7: దేశంలోనే అత్యుత్తమ విద్యుత్ సంస్థగా ఘనత సాధించిన ఆంధ్రప్రదేశ్ తూర్పు ప్రాంత విద్యుత్ పంపిణీ సంస్థ రైతులకు విశిష్ఠ సేవలందిస్తూ అమలు చేస్తున్న అత్యాధునిక విధానాలను అధ్యయనం చేసేందుకు హర్యానా ప్రభుత్వ ప్రతినిధుల బృందం శుక్రవారం ఏపీఈపీడీసీఎల్‌కు చేరుకుంది.

Pages