కోవూరు, ఫిబ్రవరి 18: నందలగుంటకు సమీపంలోని జాతీయ రహదారిపై ఆదివారం రాత్రి కావలి నుండి నెల్లూరు వైపు వెళుతున్న లారీని మోటార్ సైకిలిస్టు వెనుక వైపు నుంచి ఢీకొనడంతో బైక్ నడుపుతున్న వ్యక్తి అక్కడికక్కడే మృతి చెందగా, ఇద్దరు చిన్నారులకు తీవ్ర గాయాలయ్యాయి. మృతి చెందిన వ్యక్తి జలదంకి మండలం బ్రాహ్మణకాకకు చెందిన ఎస్ ఏడుకొండలుగా గుర్తించారు.

అశ్వారావుపేట, ఫిబ్రవరి 18: మండల పరిధిలోని కొత్తూరు గ్రామానికి చెందిన పరివి రాంరెడ్డి (68) వృద్ధుడు టిప్పర్ ఢీకొనడంతో ఆదివారం మృతిచెందాడు. గ్రామసమీపంలోని బ్రిడ్జి వద్ద నిలబడివున్న రాంరెడ్డిని అశ్వారావుపేట నుండి కొత్తూరు వైపు వస్తున్న టిప్పర్ ఢీకొనడంతో రెండు కాళ్ళు విరిగిపోయి తీవ్రగాయాలయ్యాయి.

ఒంటిమిట్ట, ఫిబ్రవరి 18:కడప-చెన్నై జాతీయ రహదారిలోని మండల కేంద్రమైన ఒంటిమిట్ట చెరువులో ఆదివారం అనుమానస్పదస్థితిలో ఐదు మృతదేహాలు లభ్యమయ్యాయి. ఈ మృతదేహాలు పురుషులుగా ఉన్నాయి. వీరంతా లుంగీ, చొక్కా ధరించి ఉన్నారు. మృతదేహాల తీరుపై పలు ఆరోపణలు గుప్పుమంటున్నారు. వీరు ఏమైనా ఎర్రచందనం కూలీలా, వ్యవసాయ కూలీలా అన్న అనుమానాలు చూసినవారిలో తలెత్తుతున్నాయి. మృతదేహాలను చూసేవారిని శోకసముద్రంలో ముంచుతుంది.

హైదరాబాద్, ఫిబ్రవరి 17: త్వరలో తెలంగాణ రాష్ట్ర వ్యాప్తంగా అన్ని చోట్ల వీధి వ్యాపారుల కోసం వీధి వ్యాపార జోన్లను ఏర్పాటు చేస్తామని, ఈ విషయమై నోటిఫికేషన్ జారీ చేస్తామని, ప్రస్తుతం వీధి వ్యాపారులపై సర్వే నిర్వహిస్తున్నట్లు తెలంగాణ ప్రభుత్వం హైకోర్టుకు తెలిపింది. రాష్ట్ర వ్యాప్తంగా హైదరాబాద్‌తో సహా 67,313 మంది వీధి వ్యాపారులు ఉన్నారని, ఇంకా సర్వే కొనసాగుతోందని కోర్టుకు తెలిపారు.