చెన్నై: తమిళనాడు మాజీ ముఖ్యమంత్రి కరుణానిధికి తెలంగాణ ముఖ్యమంత్రి కేసీఆర్ ఘనంగా నివాళులర్పించారు. ప్రత్యేక విమానంలో చెన్నై చేరుకున్న ఆయన రాజాజీ హాలులో ఉంచిన కరుణానిధి పార్థీవ దేహాన్ని సందర్శించి అంజలి ఘటించారు. ఆయన కుమార్తె, ఎంపీ కవిత ఉన్నారు.

చెన్నై: అనారోగ్యంతో కన్నుమూసిన డీఎంకే అధినేత కరుణానిధి పార్థివదేహానికి పలువురు ప్రముఖులు నివాళులర్పించారు. రాజకీయ నేతలు ఊమెన్‌చాంది, చిదంబరం, దినకరన్‌, రాజా, సినీ ప్రముఖులు తమిళ సూపర్‌స్టార్ రజనీకాంత్‌, అజిత్-షాలిని‌, సూర్య, కుష్బూ, ప్రభు తదితరులు కరుణానిధికి భౌతికకాయాన్ని సందర్శించి నివాళులర్పించారు. ఆయన కుటుంబసభ్యులను పరామర్శించారు.

చెన్నై: డీఎంకే అధినేత కరుణానిధి పార్థీవదేహన్ని కడసారి చూసేందుకు పెద్ద సంఖ్యలో అభిమానులు తరలివస్తున్నారు. తమిళనాడులోని వివిధ ప్రాంతాల నుంచే కాకుండా దేశ విదేశాల నుంచి ఆయన అభిమానులు తరలివస్తున్నారు. కాగా మరోవైపు ఈ సాయంత్రం జరిగే అంత్యక్రియలు ప్రభుత్వ లాంఛనాలతో నిర్వహిస్తున్నట్లు కేంద్ర ప్రభుత్వం ప్రకటించింది.

చెన్నై: అనారోగ్యంతో కన్నుమూసిన డీఎంకే అధినేత, మాజీ ముఖ్యమంత్రి కరుణానిధికి ప్రధాని మోదీ ఘనంగా నివాళులర్పించారు. ఈ ఉదయం చెన్నై చేరుకున్న మోదీ నేరుగా రాజాజీ హాలుకు వెళ్లి అక్కడ కరుణానిది పార్ధీవదేహనికి నివాళులర్పించి అంజలి ఘటించారు. అనంతరం ప్రధాని స్టాలిన్, కనిమోళిని పరామర్శించారు.