న్యూఢిల్లీ, ఆగస్టు 7: ఆర్థిక రంగంలో ఘోరంగా విఫలమైన ప్రధానమంత్రి నరేంద్ర మోదీ పాలనలో అవినీతి, సామాజిక విభజన విపరీతంగా పెరిగిపోయిందని కాంగ్రెస్ అధ్యక్షుడు రాహుల్ గాంధీ నిప్పులు చెరిగారు. రాహుల్ గాంధీ కాంగ్రెస్ అధ్యక్ష పదవి చేపట్టిన తరువాత మంగళవారం మొదటి సారి కాంగ్రెస్ పార్లమెంటరీ పార్టీ సమావేశంలో ప్రసంగించారు.

న్యూఢిల్లీ, ఆగస్టు 7: ఆంధ్రప్రదేశ్‌కు ప్రత్యేక హోదాతోపాటు విభజన హామీలన్నీ అమలు చేయాల్సిందేనని డిమాండ్ చేస్తూ కాంగ్రెస్ పార్టీ విద్యార్థి విభాగం ఎన్‌ఎస్‌యూఐ ఏపీ శాఖ మంగళవారం పార్లమెంట్ స్ట్రీట్‌లో ఆందోళన నిర్వహించింది. ఏపీకి న్యాయం చేసేవరకు ఆందోళన కొనసాగిస్తామని విద్యార్థి నేతలు స్పష్టం చేశారు.

న్యూఢిల్లీ: పార్లమెంటు ప్రాంగణంలో టీడీపీ ఎంపీలు ఆందోళనకు దిగారు. ఏపీకి ఇచ్చిన హామీలను అమలుచేయాలని కోరుతూ గాంధీ విగ్రహం ఎదుట ప్లకార్డులు చేతబట్టి నినాదాలు చేశారు. ఎంపీ శివప్రసాద్ అంధుడి వేషధారణలో వినూత్నంగా నిరసన వ్యక్తంచేశారు.

జమ్మూకాశ్మీర్: జమ్మూకాశ్మీర్‌లో ముష్కరులు చొరబాటుకు యత్నించారు. గూరజ్ సరిహద్దు నియంత్రణ రేఖ వద్ద దాదాపు ఎనిమిది మంది ముష్కరులు కాశ్మీర్‌లోనికి ప్రవేశించేందుకు ప్రయత్నించారు. వారిని నిలువరించేందుకు భద్రతా బలగాలు కాల్పులు జరిపాయి. ఈ కాల్పుల్లో ఆర్మీ మేజర్, ముగ్గురు సైనికులు మృతి చెందినట్లు సైనికాధికారులు వెల్లడించారు.