చెన్నై: మాజీ ముఖ్యమంత్రి జయలలిత మృతిపై విచారణ జరుపుతున్న జస్టిస్ ఆర్ముగస్వామి కమిటీ ఎదుట అపోలో ఆసుపత్రి కాలేయ వైద్య నిపుణుడు కేఆర్ పళనిస్వామి, నర్సు అనూషా హాజరై సాక్ష్యమిచ్చారు. ఆసుపత్రిలో జయలలితకు అందించిన చికిత్సలు, ఆమెకు స్వీట్లు ఇచ్చేందుకు అనుమతి ఇచ్చిన వైద్య అధికారులు గురించి పలు ప్రశ్నలు సంధించారు.

న్యూఢిల్లీ, ఆగస్టు 6: వెనుకబడిన తరగతుల జాతీయ కమిషన్ (ఎన్‌సీబీసీ)కి రాజ్యాంగబద్ధత కల్పించేందుకు ఉద్దేశించిన బిల్లుకు పార్లమెంటు తెలిపింది. సోమవారం రాజ్యసభలో జరిగిన సమావేశంలో పలువురు సభ్యులు మాట్లాడుతూ దేశంలో వెనుకబడిన తరగతుల జనాభా లెక్కల సేకరణకు అనుగుణంగా రిజర్వేషన్లు కల్పించాలని ప్రభుత్వాన్ని కోరారు.

న్యూఢిల్లీ, ఆగస్టు 6: దేశంలో ముజఫర్, డియోరియా సంఘటనలు వెలుగుచూసిన నేపథ్యంలో ఎన్జీవోల దుర్వినియోగానికి అడ్డుకట్ట వేయడానికి, ఆశ్రమాల్లో ఉన్న బాలికల రక్షణకు సంబంధించి రాష్ట్రాలు ఒక ఏకీకృత విధానాన్ని అవలంబించాలని కేంద్ర మహిళ, శిశు సంక్షేమ శాఖ మంత్రి మేనకాగాంధీ రాష్ట్ర ప్రభుత్వాలకు విజ్ఞప్తి చేశారు.

న్యూఢిల్లీ, ఆగస్టు 6: ఎస్సీ, ఎస్టీ (వేధింపుల నిరోధక) చట్టాన్ని రాజ్యాంగంలోని 9వ షెడ్యూల్‌లో చేర్చాలని కాంగ్రెస్ పార్టీ డిమాండ్ చేసింది. ఎస్సీ, ఎస్టీ (వేధింపుల నిరోధక) చట్టం 1989లో పేర్కొన్న అంశాల్లో కొన్నింటిని సుప్రీంకోర్టు సవరించిన నేపథ్యంలో కొద్దిపాటి మార్పులు, చేర్పులతో రూపొందించిన బిల్లును లోక్‌సభలో గత శుక్రవారంనాడు ప్రవేశపెట్టిన విషయం తెలిసిందే.