S ,7 à 8 RSCA (si SASPAS) et 6 cialis pharmacie cialis rapports de stage.

జాతీయ వార్తలు

02/19/2016 - 20:13

న్యూదిల్లి:హర్యానాలో జాట్ ఆందోళన హింసాత్మకంగా మారడంతో పరిస్థితిని చక్కదిద్దేందుకు సైన్యం రంగంలోకి దిగింది. ముఖ్యంగా రోహ్‌తక్, భివాని, హిసార్, సోనెపట్, జజ్జర్ ప్రాంతాల్లో సైన్యాన్ని రప్పించారు. ఒబిసి కోటాలో చేర్చడం లేదా ప్రత్యేక రిజర్వేషన్ కల్పించాలన్న డిమాండ్‌తో ఆందోళన చేపట్టిన జాట్‌లు శుక్రవారం రాష్ట్ర ఆర్థికమంత్రి ఇంటిపై దాడికి పాల్పడి వాహనాలకు నిప్పుపెట్టిన సంగతి తెలిసిందే.

02/19/2016 - 20:13

న్యూదిల్లి:అరుణాచల్‌ప్రదేశ్‌లో రాష్టప్రతి పాలనను ఎత్తివేస్తూ కేంద్రప్రభుత్వం శుక్రవారం నిర్ణయం తీసుకుంది. కొత్త ప్రభుత్వం ఏర్పాటుకు దీనితో మార్గం సుగమమైంది. అరుణాచల్ ప్రదేశ్‌లో యథాతథ స్థితి కొనసాగించాలన్న ఆదేశాన్ని రద్దు చేస్తూ నిన్న సుప్రీంకోర్టు నిర్ణయించడంతో ఇది సాధ్యమైంది.

02/19/2016 - 18:17

దిల్లీ: జెఎన్‌యులో తాజా పరిణామాలు, దేశద్రోహం కేసులు, మతతత్వం వంటి అంశాలపై ఈ నెల 23 నుంచి మూడు రోజుల పాటు దేశవ్యాప్తంగా ఆందోళనలు చేయాలని సిపిఐ, సిపిఎం నిర్ణయించాయి. ఈరోజు ఇక్కడ సిపిఎం నేత సీతారాం ఏచూరి, సిపిఐ నేత సురవరం సుధాకరరెడ్డి సమావేశమై ఆందోళన కార్యక్రమాన్ని ఖరారు చేశారు. మతతత్వ శక్తుల ఒత్తిడితో కేంద్రంలో బిజెపి పాలన సాగుతోందని వారు ఆరోపించారు.

02/19/2016 - 18:16

దిల్లీ: ఈ నెలాఖరులో పార్లమెంటులో వార్షిక బడ్జెట్ సమర్పించనున్న నేపథ్యంలో ఆర్థిక మంత్రిత్వ శాఖ నార్త్‌బ్లాక్‌లో బడ్జెట్ ప్రతుల ముద్రణ ప్రారంభమైంది. ఆనవాయితీ ప్రకారం ఆర్థిక శాఖ ఉద్యోగులకు శుక్రవారం కేంద్ర ఆర్థిక మంత్రి అరుణ్ జైట్లీ హల్వా పంపిణీ చేశారు. బడ్జెట్ ముందు హల్వా తయారు చేసి ఉద్యోగులకు పంచడం సంప్రదాయంగా వస్తోంది.

02/19/2016 - 18:16

విశాఖ: జనజీవన స్రవంతిలో కలిసేందుకు సిద్ధపడితే మావోయిస్టులతో రాజ్యాంగం పరిధిలో చర్చలు జరిపేందుకు తాము సుముఖంగానే ఉన్నామని కేంద్ర హోం మంత్రి రాజ్‌నాథ్ సింగ్ తెలిపారు. ఆయన విశాఖలో శుక్రవారం మాట్లాడుతూ, ప్రజాస్వామ్యంలో హింసకు తావులేదన్నారు. ఎపి, ఒడిశాతో పాటు దేశవ్యాప్తంగా వామపక్ష తీవ్రవాదం తగ్గుముఖం పట్టిందన్నారు. ప్రజల క్షేమం కోసం కృషి చేస్తున్న ప్రభుత్వంతో సహకరించాలని మావోలకు ఆయన సూచించారు.

02/19/2016 - 16:40

దిల్లీ: జెఎన్‌యు విద్యార్థి సంఘం నాయకుడు కన్నయ్య ఇటీవల చేసిన వ్యాఖ్యలను అన్నివర్గాల వారూ ఖండించాలని కోరుతూ శుక్రవారం మధ్యాహ్నం ఇక్కడ పెద్ద సంఖ్యలో లాయర్లు ర్యాలీ జరిపారు. ఉగ్రవాది అఫ్జల్‌గురుకు మద్దతుగా మాట్లాడడడం నిజంగా దేశద్రోహమేనని వారు అన్నారు. కాగా, తీహార్ జైలులో ఉన్న కన్నయ్య ఈరోజు తన న్యాయవాది ద్వారా దిల్లీ హైకోర్టులో బెయిల్ పిటిషన్ దాఖలు చేశారు.

02/19/2016 - 16:40

దిల్లీ: కేంద్రంలో బిజెపి సర్కారు అవలంబిస్తున్న విధానాల వల్లనే దేశవ్యాప్తంగా విశ్వవిద్యాలయాల్లో అశాంతి, అభద్రత చోటుచేసుకున్నాయని టి.పిసిసి అధ్యక్షుడు ఉత్తమ్‌కుమార్ రెడ్డి ఆరోపించారు. ఆయన శుక్రవారం ఇక్కడ మీడియాతో మాట్లాడుతూ, జెఎన్‌యులో పరిణామాలకు కేంద్రానిదే బాధ్యత అన్నారు.

02/19/2016 - 16:37

చండీగఢ్: రిజర్వేషన్ల కోసం జాట్ కులస్థులు చేస్తున్న ఆందోళన హింసాత్మకంగా మారుతోంది. రోహతక్‌లో రాష్ట్ర ఆర్థిక మంత్రి కెప్టెన్ అభిమన్యు ఇంటికి ఆందోళనకారులు శుక్రవారం నిప్పుపెట్టారు. అయితే, సమాచారం తెలిసిన వెంటనే అగ్నిమాపక సిబ్బంది ఆర్థికమంత్రి ఇంటికి వచ్చి మంటలను అదుపు చేసేందుకు రంగంలోకి దిగారు.

02/19/2016 - 12:59

దిల్లీ: దేశద్రోహం కేసులో అరెస్టయి తీహార్ జైలులో ఉంటున్న జెఎన్‌యు విద్యార్థి సంఘం నేత కన్నయ్యకుమార్ దాఖలు చేసిన బెయిల్ పిటిషన్‌పై విచారణ చేపట్టేందుకు సుప్రీం కోర్టు నిరాకరించింది. కన్నయ్య పిటిషన్‌పై శుక్రవారం కోర్టు తన నిర్ణయాన్ని ప్రకటించడమే గాక, బెయిల్ కోసం దిల్లీ హైకోర్టును ఆశ్రయించాలని సూచించింది.

02/19/2016 - 12:58

దిల్లీ: ముంబయిలో నిర్లక్ష్యంగా వాహనాన్ని నడిపి కొందరి మృతికి కారకుడయ్యాడనే (హిట్ అండ్ రన్) కేసులో బాలీవుడ్ నటుడు సల్మాన్ ఖాన్‌కు సుప్రీం కోర్టు శుక్రవారం నోటీసులు జారీ చేసింది. సల్మాన్‌ను దోషిగా నిర్ధారిస్తూ ముంబయి హైకోర్టు కేసును గతంలోనే కొట్టివేసిన సంగతి తెలిసిందే. ఇదే కేసుపై నోటీసులు జారీ చేసిన సుప్రీం కోర్టు మళ్లీ విచారణ చేపడుతుందా? లేక హైకోర్టు తీర్పును సమర్ధిస్తుందా?

Pages