S ,7 à 8 RSCA (si SASPAS) et 6 cialis pharmacie cialis rapports de stage.

సంపాదకీయం

02/23/2019 - 01:16

చలన చిత్రాలలో వేషాలు వేసే వారికి రాజకీయాలలో నాయక పాత్రలను పోషించడం ఇక అసాధ్యమన్నది తమిళనాడులో తేలిన ‘నిగ్గు’! ఇలా నిగ్గుతేలడం మహా చలన చిత్ర నటులకు అవమానం కాదు, వారి అభినయ గరిమకు ‘గీటురాయి’ కూడ కాదు. ఏ రంగంలోని మహాపురుషులు ఆయా రంగాలలోనే ప్రజలకు గొప్ప సేవ చేయవచ్చునన్నది ప్రస్ఫుటించిన వాస్తవం! సమాజంలో ప్రతి రంగమూ గొప్పది, ప్రాధాన్యం కలది.

02/22/2019 - 02:14

బీభత్సకాండకు వ్యతిరేకంగా మన దేశం జరుపుతున్న పోరాటానికి మద్దతునివ్వగలమని సౌదీ అరేబియా ‘ఉప అధిపతి’- క్రౌన్ ప్రిన్స్- మొహమ్మద్ బిన్ సల్మాన్ బుధవారం కొత్త ఢిల్లీలో హామీఇవ్వడం ఆశ్చర్యకరం కాదు. సౌదీ అరేబియా ప్రభుత్వం దశాబ్దుల తరబడి బీభత్సకాండను ఆధికారికంగా నిరసిస్తూనే ఉంది. కానీ ఈ దశాబ్దుల తరబడి జిహాదీ బీభత్సకారులకు సౌదీ అరేబియా స్ఫూర్తి కేంద్రం కావడం సమాంతర విపరిణామం!

02/21/2019 - 03:38

అక్షరాలు అజరామర
భావానికి రూపాలు..
అక్షరాలు విశ్వవిహిత
నాద జనిత రాగాలు..
అక్షరాలు ఎద విరిసిన
అనుభూతుల పరిమళాలు,
‘అమ్మా’ అను పసిపాపల
పరిశోధక స్వరాలు!!

02/20/2019 - 21:50

అడవుల నిర్మూలనకు మార్గం మరింత సుగమం కావడం గత ఐదేళ్ల చరిత్ర. హరిత పరిరక్షణ- ఆకుపచ్చదనాన్ని పంచే అడవుల రక్షణ- నియమాలను అతిగా పాటించరాదన్నది మాజీ ప్రధాని మన్‌మోహన్ నేర్పిన ప్రగతి పాఠం. ఇలా హరిత పరిరక్షణ నియమాలను అతిగా పాటించిన పర్యావరణ మంత్రి జైరామ్ రమేశ్‌ను మన్‌మోహన్ సింగ్ కోప్పడడం 2014వ సంవత్సరానికి ముందు నడచిన చరిత్ర. జైరామ్ రమేశ్‌ను పర్యావరణ శాఖ నుంచి మన్‌మోహన్ సింగ్ బదిలీ చేయడం కూడ చరిత్ర.

02/19/2019 - 00:04

పాకిస్తాన్‌కు కల్పిస్తుండిన ‘అత్యంత ప్రాధాన్య దేశం’ వాణిజ్య సౌకర్యాన్ని మన ప్రభుత్వం ఫిబ్రవరి పదహైదవ తేదీన రద్దు చేయడం ఆలస్యంగా సంభవించిన మంచి పరిణామం. దశాబ్దుల తరబడి మన దేశంలోని వేల మంది జిహాదీ బీభత్సకారులను ఉసిగొలిపి అనేక వేల మంది అమాయకులను హత్యచేయించిన పాకిస్తాన్ ప్రభుత్వంతో మన ప్రభుత్వం వాణిజ్య సంబంధాలను కొనసాగించడమే వైపరీత్యం.

02/15/2019 - 22:02

పాకిస్తాన్ ప్రభుత్వాన్ని ‘బీభత్స వ్యవస్థ’- టెర్రిరిస్ట్ రిజీమ్-గా ప్రకటించడం మన ప్రభుత్వానికి తక్షణ కర్తవ్యం. జమ్మూ కశ్మీర్‌లోని ‘జమ్మూ-శ్రీనగర్’ రహదారిలో ఉన్న అవన్తిపురా వద్ద పాకిస్తాన్ ప్రభుత్వ ప్రేరిత జిహాదీ ముష్కరులు మన పోలీసులపై జరిపిన పైశాచిక బీభత్సకాండ ఇందుకు నేపథ్యం.

02/15/2019 - 15:31

మెక్సికోతో తమ దేశానికి ఏర్పడి ఉన్న రెండువేల మైళ్ల- మూడు వేల కిలోమీటర్ల - పొడవునా ‘గోడ’ను నిర్మించాలన్న అమెరికా ప్రభుత్వ సంకల్పం కార్యరూపం ధరించడానికి రంగం సిద్ధం కావడం ‘ప్రపంచీకరణ’ వాణిజ్య స్ఫూర్తికి విఘాతకరం.. దేశాల సరిహద్దులు చెఱిగిపోవాలని ప్రపంచమంతా ఒకే ‘వాణిజ్య మండలం’గా, ‘పుడమిపల్లె’గా ఏర్పడాలని దశాబ్దులపాటు ‘ప్రపంచీకరణ’ సిద్ధాంతకర్తలు ప్రచారం చేశారు. ఈ సిద్ధాంతకర్తలలో మొదటిది అమెరికా..

02/14/2019 - 01:01

పదహారవ లోక్‌సభ ‘చివరి’ సమావేశాలు జరిగాయి! కాలచక్రం ‘గిర్రున’ తిరిగిందన్నదానికి ఇది మరో ఉదాహరణ కాకపోవచ్చు. గిర్రున తిరగడంలో సహస్రాబ్దులు సైతం చల్లగా జారిపోతున్నాయి, చరిత్రగా మారుతున్నాయి. అందువల్ల కేవలం ఒక ‘అర్ధ దశాబ్ది’ గడచిపోవడం పెద్ద విషయం కాదు.. అయినప్పటికీ ఐదేళ్లు ఇట్టే గడచిపోవడం కాలగమనంలో భాగం.

02/13/2019 - 04:21

సత్యాగ్రహ చరిత్ర ‘స్వచ్ఛాగ్రహ’ ఉద్యమంగా పరివర్తన చెందడం మంగళవారం హరియాణ రాష్ట్రంలోని కురుక్షేత్రంలో జరిగిన ‘స్వచ్ఛశక్తి’ సమ్మేళనానికి జాతీయ భావ నేపథ్యం. స్వచ్ఛ భారత పునర్ నిర్మాణంలో ప్రధాన కార్యక్రమం ‘బహిరంగ మలమూత్ర విసర్జన’ నుంచి విముక్తి.

02/12/2019 - 00:04

ఇప్పుడు ‘వాగ్దాన దినోత్సవం’ వచ్చిపడింది. ‘వలెంటైన్ దినోత్సవం’ ‘వలెంటైన్ వారోత్సవం’గా మారి, వేడుకల కాలవ్యవధి విస్తరించడం ఈ ‘వాగ్దాన దినోత్సవం’- ప్రామిస్ డే- వచ్చిపడడానికి నేపథ్యం. ఫిబ్రవరి పదునాలుగవ తేదీన దాదాపు రెండు దశాబ్దులుగా ‘వలెంటైన్ దినోత్సవం’- వలెంటైన్ డే- జరుగుతోంది. ఈ ‘వలెంటైన్ డే’ జరుపరాదని ‘బజరంగదళ్’వంటి జాతీయ సంస్థలు ఉద్యమాలు చేస్తుండడం సమాంతర పరిణామం.

Pages