ఆలస్యంగానైనా మన ప్రభుత్వం స్పందించిన తీరు మన రక్షణ నిష్ఠకు నిదర్శనం. మన దేశపు సరిహద్దులు భూటాన్, టిబెట్‌తో కలిసే చోట చైనా సాగిస్తున్న చొరబాటును తిప్పికొట్టగలమని రక్షణ మంత్రి అరుణ్‌జైట్లీ శుక్రవారం స్పష్టం చేయడం హర్షణీయం, సరిహద్దు భద్రతాదళాల నైతిక బలాన్ని పెంచగల పరిణామం!

జునాయిద్ అనే యువకుని హత్య దేశవ్యాప్తంగా సంచలనం సృష్టిస్తున్నట్టు ప్రచారం అవుతోంది! ఒకరు మరొకరిని లేదా కొందరు మరి కొందరిని హత్య చేయడం అమానుష ప్రవృత్తికి, పాశవిక చిత్తవృత్తికి నిదర్శనం. చంపడం క్రూరమృగాల లక్షణం. గత వారం ‘్ఢల్లీ-మధుర’ పాసెంజర్ రైలులో వెడుతుండిన జునాయిద్‌ను కొందరు దుండగులు కత్తితో పొడిచి చంపివేయడడం దారుణమైన ఘోరం.

ఎండ, వాన కలసివచ్చినట్టయింది, ఎండ కా స్తుండగానే వాన కురవడం.. తిలకించే వారికి ఒక తీయని అనుభూతి! ఎవరు ఎండ? ఎవరు వాన? అన్నది ప్రధానం కాదు. మన ప్రధానమంత్రి నరేంద్ర మోదీ అమెరికా రాజధాని వాషింగ్టన్‌లో ఆ దేశపు అధ్యక్షుడు డొనాల్డ్ ట్రంప్‌ను కలుసుకోవడం గ్రీష్మతాపం, హర్షవర్షం ఒకే చోట సంగమించిన విలక్షణ దృశ్యం! ఇదీ ప్రధానమైన పరిణామం..

మద్యపాన ప్రవృత్తిని పెంపొందించడంలో పరిపాలకుల ‘మానవీయ చిత్తవృత్తి’ ప్రస్ఫుటిస్తుండడం వర్తమాన ‘నాగరికం’..ఈ నాగరికానికి సరికొత్త చిహ్నం పంజాబ్ శాసనసభ ‘మద్యపానాన్ని రహదారుల పక్కన యథావిధిగా కొనసాగించడానికి’ వీలైన బిల్లును శుక్రవారం ఆమోదించడం! ఈ ‘బిల్లు’ను నిరసిస్తూ పంజాబ్‌లోని ప్రతిపక్షాలు శాసనసభనుంచి నిష్క్రమించాయి. ఇలా నిష్క్రమించిన ప్రతిపక్షాలు అనేక రాష్ట్రాలలో ప్రభుత్వాలను నిర్వహిస్తున్నాయి!