లండన్, జనవరి 8: సాకర్ కోచ్‌గా మరో పదేళ్లు కెరీర్‌ను కొనసాగిస్తానని చెల్సియా ఫుట్‌బాల్ క్లబ్ మేనేజర్ ఆంటానియో కొనే్ట స్పష్టం చేశాడు. అయితే, ఈ విషయాన్ని తన భార్య ఎలిసాబెతాకు తెలియనివ్వకండి అంటూ పాత్రికేయులతో జోక్ చేశాడు.

దుబాయ్, జనవరి 8: ప్రపంచ టెస్టు ర్యాంకింగ్స్ బౌలింగ్ విభాగంలో భారత స్పిన్నర్లు రవిచంద్రన్ అశ్విన్, రవీంద్ర జడేజా తమ ఆధిపత్యాన్ని కొనసాగిస్తున్నారు. వీరిద్దరూ మొదటి రెండు స్థానాలను నిలబెట్టుకున్నారు. అంతర్జాతీయ క్రికెట్ మండలి (ఐసిసి) ఆదివారం విడుదల చేసిన ర్యాంకింగ్స్ జాబితాలో అశ్విన్ 887 పాయింట్లతో నంబర్ వన్ స్థానంలో నిలవగా, జడేజా 879 పాయింట్లతో రెండో స్థానంలో ఉన్నాడు.

వౌంట్ మోన్గానుయ్, జనవరి 8: బంగ్లాదేశ్‌తో జరిగిన మూడు మ్యాచ్‌ల టి-20 సిరీస్‌ను న్యూజిలాండ్ క్లీన్ స్వీప్ చేసింది. ఆదివారం నాటి చివరి మ్యాచ్‌లో ఈ జట్టు 27 పరుగుల ఆధిక్యంతో గెలిచింది. విజయానికి కివీస్ నిర్దేశించిన 195 పరుగుల లక్ష్యాన్ని ఛేదించడంలో వ0్ఫలమైన బంగ్లాదేశ్ 20 ఓవర్లలో ఆరు వికెట్లకు 167 పరుగులు చేయగలిగింది.

ముంబయ: భారత క్రికెట్ జాతీయ చీఫ్ సెలక్షన్ కమిటీలో సభ్యులుగా ఉన్న జతిన్ పరాంజపే, గగన్ ఖోడాలకు ఉద్వాసన పలకడం ఖా యమైంది. లోధా కమిటీ చేసిన సిఫార్సుల్లో జాతీయ సెలక్టర్లకు కనీస అర్హత కూడా ఉంది. కనీసం రెండు టెస్టుల్లో ఆడిన వారికి మాత్రమే కమిటీ సభ్యులుగా అవకాశం ఇవ్వాలని లోధా కమిటీ స్పష్టం చేసింది. అయతే, ఈ సిఫార్సును పట్టించుకోకుండా ఐదుగురు సెలక్టర్లను బిసిసిఐ ఎంపిక చేసింది.