హైదరాబాద్, అక్టోబర్ 24: నైరుతీ రుతుపవనాలు (సౌత్‌వెస్ట్ మాన్‌సూన్) మరో 24 గంటల్లో భారత్ నుంచి వెళ్లిపోతున్నాయ. ఈనెల 26న ఈశాన్య రుతుపవనాలు (నార్త్ ఈస్ట్ మాన్‌సూన్) వస్తున్నాయని భారత వాతావరణ శాఖ (ఐఎండి) ప్రకటించింది. మంగళవారం వరకు నైరుతీ రుతుపవనాలు తెలంగాణ, ఆంధ్రప్రదేశ్, కర్నాటక రాష్ట్రాల్లో ఉన్నాయి.

విజయవాడ (ఇంద్రకీలాద్రి) అక్టోబర్ 24: సామాన్య భక్తులకే పెద్ద పీట అంటూ చెబుతూ వచ్చిన దుర్గగుడి ఇవో, ధర్మకర్తలు ఉదయం జరిగిన ట్రస్ట్‌బోర్డు సమావేశంలో వివిధ రూపాల్లో భక్తులపై భారం మోపుతూ కీలక నిర్ణయాలు తీసుకున్నారు. మంగళవారం ఉదయం దుర్గగుడి ట్రస్ట్ బోర్డు సమావేశంలో రూ.10 లడ్డూను ఏకంగా రూ.20లకు పెంచేందుకు నిర్ణయంచా రు. గతంలో రూ.50 ఉన్న శ్రీ చక్ర లడ్డూను రూ.100కు పెంచారు.

హైదరాబాద్, అక్టోబర్ 23: రైళ్లలో కోచ్‌ల పరిశుభ్రత, నిర్వహణపై తక్షణ చర్యలు తీసుకునే విధంగా ఆకస్మిక తనిఖీలు చేపట్టాలని దక్షిణ మధ్య రైల్వే జనరల్ మేనేజర్ వినోద్‌కుమార్ యాదవ్ అధికారులను ఆదేశించారు. రైల్వేలో అమలవుతున్న శుభ్రత, ప్రయాణికుల భద్రత, సరుకు రవాణా వంటి వాటిపై వివిధ భాగాలకు చెందిన అధికారులతో జిఎం సమావేశమయ్యారు.

హైదరాబాద్, అక్టోబర్ 23: వైఎస్‌ఆర్ కాంగ్రెస్ పార్టీ అధ్యక్షుడు, ఎపి అసెంబ్లీలో ప్రతిపక్ష నేత వైఎస్ జగన్మోహన్‌రెడ్డి సోమవారం ఈనాడు గ్రూపు అధినేత రామోజీరావును కలిసి మంతనాలు జరిపారు. వచ్చే నెల 2 నుంచి జగన్ పాదయాత్ర చేపడుతున్న సంగతి తెలిసిందే. తాను చేపట్టబోయే పాదయాత్రకు మద్దతు ఇవ్వాలని కోరడంతో పాటు ఆశీర్వాదాన్ని కోరినట్లు సమాచారం.