హైదరాబాద్, జూన్ 22:మిషన్ భగీరథ పనులు సత్వరం పూర్తి చేయడం కోసం 480పోస్టులను ప్రభుత్వం మంజూరు చేసింది. ఈ పోస్టులకు సంబంధించి ప్రభుత్వ ఉత్తర్వులు జారీ అయ్యాయి. క్షేత్ర స్థాయిలో జరిగే పనులను పర్యవేక్షించేందుకు అవసరమైన 480అదనపు ఉద్యోగాలను మంజూరు చేశారు.

నంద్యాల, జూన్ 22: ఓటుకు నోటు ఇవ్వడానికి తాను వ్యతిరేకమని ముఖ్యమంత్రి చంద్రబాబునాయుడు అన్నారు. ఓటుకు నోటు ఇచ్చేవారు అభివృద్ధిని పట్టించుకోరన్నారు. స్వార్థంతో, ధనార్జనే ధ్యేయంగా చేసే ఇలాంటి పనుల వల్ల ప్రజలకు మేలు జరగదన్నారు. కర్నూలు జిల్లా పర్యటనలో భాగంగా గురువారం ఉదయం నంద్యాల ఆర్ అండ్ బి అతిథి గృహంలో టిడిపి నేతలు, కార్యకర్తలు, ప్రజలతో సిఎం మాట్లాడారు.

విజయవాడ (స్పోర్ట్స్), జూన్ 21: మానవళికి యోగా ఒక సంపద అని, ఒకప్పుడు భారతదేశానికే పరిమితమైన యోగాను ప్రధానమంత్రి నరేంద్రమోదీ కృషి వలన నేడు 177 దేశాల్లో ఆచరిస్తున్నారని ముఖ్యమంత్రి నారా చంద్రబాబునాయుడు అన్నారు. విజయవాడలోని ఎ కనె్వన్షన్ సెంటర్‌లో బుధవారం ప్రపంచ యోగా దినోత్సవాన్ని ఘనంగా నిర్వహించారు. ఈ కార్యక్రమంలో పాల్గొన్న కొద్దిసేపు ముఖ్యమంత్రి యోగాసనాలు వేశారు.

హైదరాబాద్, జూన్ 21: ఆంధ్రప్రదేశ్ ప్రభుత్వ మాజీ ప్రధాన కార్యదర్శి, ఎపి బ్రాహ్మణ సంక్షేమ కార్పోరేషన్ మాజీ చైర్మన్ ఐవైఆర్ కృష్ణారావు రాజ్‌భవన్‌లో బుధవారం గవర్నర్ ఇఎస్‌ఎల్ నరసింహన్‌తో భేటీ అయ్యారు. కృష్ణారావును ఎపి బ్రాహ్మణ కార్పోరేషన్ చైర్మన్ పదవి నుండి మంగళవారం తప్పించిన తర్వాత సొషల్ మీడియాలో ఆయనను అవమానించే విధంగా అభ్యంతరకరమైన ఫోటోలను ఒకరు ‘పోస్ట్’ చేశారు.