విజయవాడ, ఫిబ్రవరి 27: రాష్ట్రంలో పలు జిల్లాల్లో స్థానిక సంస్థల నుంచి శాసనమండలికి జరుగుతున్న ఎన్నికలకు సంబంధించి తెలుగుదేశం అభ్యర్థుల ఎంపికపై ముఖ్యమంత్రి చంద్రబాబునాయుడు సోమవారం అర్ధరాత్రి వరకు కసరత్తు చేస్తూనే ఉన్నారు. కడప ఎన్నికతోపాటు, చిత్తూరు, శ్రీకాకుళం, నెల్లూరు, కర్నూలు, అనంతపురం, ఉభయగోదావరి జిల్లాల ఎన్నికలను ముఖ్యమంత్రి ప్రతిష్ఠాత్మకంగా తీసుకున్నారు.

కొత్తగూడెం, ఫిబ్రవరి 26: ప్రభుత్వ విద్యారంగ పరిరక్షణ కోసం మరిన్ని పోరాటాలు నిర్వహించాలని తెలంగాణ జెఎసి కన్వీనర్ ప్రొఫెసర్ కోదండరాం పిలుపునిచ్చారు. భద్రాద్రి కొత్తగూడెం జిల్లా కొత్తగూడెంలోని ఉర్దూ ఘర్‌లో ఆదివారం జరిగిన తెలంగాణ ప్రోగ్రెసివ్ టీచర్స్ ఫెడరేషన్ (టిపిటిఎఫ్) ప్రథమ మహాసభలో ఆయన ప్రసంగించారు.

హైదరాబాద్, ఫిబ్రవరి 26: కేంద్ర ప్రభుత్వ మార్గదర్శకాలకు అనుగుణంగా బడ్జెట్ ప్రతిపాదనలపై కొనసాగుతున్న కసరత్తు రెండు రోజుల్లో కొలిక్కి రానుంది. బడ్జెట్ ప్రతిపాదనలపై ప్రగతి భవన్‌లో ఆదివారం ఆర్థిక మంత్రి ఈటల రాజేందర్, ఆ శాఖ ఉన్నతాధికారులు, ఇతర శాఖల మంత్రులతో ముఖ్యమంత్రి కెసిఆర్ కసరత్తు చేశారు. సోమవారం సాయంత్రానికి బడ్జెట్ ప్రతిపాదనల అంచనా ఒక కొలిక్కి వచ్చే అవకాశం ఉందని అధికార వర్గాల సమాచారం.

హైదరాబాద్/ఉప్పల్, ఫిబ్రవరి 26: మరోసారి నిరుద్యోగులు మోసపోయారు. ఉద్యోగాల ఎరవేసి, డబ్బు వసూలు చేసి చివరాఖరున కుచ్చుటోపీ పెట్టే మోసగాళ్లు ఈసారి ఏకంగా జాబ్‌మేళానే తమ మోసాలకు వేదికగా ఎంచుకున్నారు. ఉప్పల్‌లోని లిటిల్ ఫ్లవర్ కాలేజీ ప్రాంగణంలో జరిగిన ఈ ‘తంతు’ చివరకు ఉద్రిక్తతకు దారితీసింది. జాబ్ మేళాకు తరలివచ్చిన వేలాది నిరుద్యోగులు మోసం జరిగిందని తెలుసుకుని, కళాశాలను ధ్వంసం చేశారు.