విజయవాడ, మార్చి 3: ప్రకాశం జిల్లాలో గురువారం తెల్లవారుజామున ప్రమాదానికి గురైన బస్సును నడిపిన డ్రైవర్‌కు అసలు లైసెనే్స లేదా? డ్రైవర్ పొంతన లేని సమాధానాలు ఈ అనుమానానికి బలం చేకూరుస్తున్నాయి. లైసెన్స్ ఉందా అనడిగితే ఇంట్లో ఉందని ఒకసారి, ఎక్కడో పెట్టానని మరోసారి చెబుతుండటంతో అసలు లైసెనే్స లేదని అధికారులు అనుమానిస్తున్నారు.

ఖమ్మం, మార్చి 2: విద్యార్థులు, రైతులు ఎదుర్కొంటున్న సమస్యలపై కాంగ్రెస్ పార్టీ ఆధ్వర్యంలో త్వరలో మరో ఉద్యమం చేపట్టనున్నట్లు తెలంగాణ పిసిసి అధ్యక్షుడు ఉత్తమ్‌కుమార్‌రెడ్డి చెప్పారు. ఖమ్మం జిల్లా కూసుమంచిలో గురువారం జరిగిన జన ఆవేదన సభలో ఆయన మాట్లాడుతూ విద్యార్థుల ఫీజ్ రీయింబర్స్‌మెంట్‌తో పాటు రైతుల రుణమాఫీ, గిట్టుబాటు ధరలే ప్రధాన అంశాలుగా ఈ ఉద్యమం కొనసాగుతుందన్నారు.

హైదరాబాద్, మార్చి 2:బడ్జెట్ సమావేశాలు ముందు అనుకున్నట్టుగా ఈ నెల 8వ తేదీన కాకుండా రెండు రోజులు ఆలస్యంగా 10 తేదీ నుంచి ప్రారంభం కానున్నాయని తాజా సమాచారం. బడ్జెట్ సమావేశాలను తప్పనిసరిగా 18 రోజులు నిర్వహించాలన్న నిబంధన ఏమీ లేకపోవడంతో ఈసారి 16 రోజులు మాత్రమే కొనసాగించే అవకాశం ఉందని అధికార వర్గాల సమాచారం. అసెంబ్లీ బడ్జెట్ సమావేశాలపై గవర్నర్ నోటిఫికేషన్ రెండు రోజులలో విడుదలయ్యే అవకాశం ఉందని సమాచారం.

విజయవాడ, మార్చి 2:రాష్ట్రాన్ని తిరుగులేని శక్తిగా తయారు చేస్తానని, ప్రపంచ దేశాల్లో మొదటి 10 నగరాల్లో ఒకటిగా అమరావతిని తీర్చిదిద్దుతానని ముఖ్యమంత్రి చంద్రబాబు నాయుడు స్పష్టం చేశారు. జాతి గర్వపడేలా అభివృద్ధి చేసి నిజాయితీ నిరూపించుకుంటానన్నారు. ఆశీర్వదించి ముందుకు నడిపించాలని ప్రజలను కోరారు. వెలగపూడి సచివాలయ ఆవరణలో నిర్మించిన రాష్ట్ర అసెంబ్లీ, శాసన మండలి భవనాలను ఆయన గురువారం ప్రారంభించారు.