హైదరాబాద్, ఫిబ్రవరి 28: తెలంగాణ వార్షిక బడ్జెట్ నాలుగోసారీ మిగులుతో ప్రవేశపెట్టబోతుంది. వరుసగా మూడు సార్లు మిగులు బడ్జెట్ ప్రవేశపెట్టిన ప్రభుత్వం, వచ్చే వార్షిక బడ్జెట్‌నూ సుమారు రూ.4 వేల కోట్ల మిగులుతో ప్రవేశ పెట్టబోతుంది.

హైదరాబాద్, ఫిబ్రవరి 28: తెలంగాణ ఇంటర్మీడియట్ బోర్డు వెబ్ పోర్టల్ నుండి డౌన్‌లోడ్ చేసుకున్న హాల్‌టిక్కెట్లతో నేరుగా పరీక్షలకు హాజరుకావచ్చని ఇంటర్ బోర్డు కార్యదర్శి అశోక్ తెలిపారు. డౌన్‌లోడ్ చేసిన హాల్‌టిక్కెట్‌పై ఎవరి సంతకం అవసరం లేదని కూడా ఆయన వివరణ ఇచ్చారు. డౌన్‌లోడ్ చేసిన హాల్‌టిక్కెట్లపై ప్రిన్సిపాల్ సంతకం ఉండాలనే నిబంధనను సడలించినట్టు ఆయన చెప్పారు.

హైదరాబాద్, ఫిబ్రవరి 28: అనవసరంగా సిజేరియన్ ఆపరేషన్లు చేసే ఆస్పత్రులపై కఠిన చర్యలు తప్పవని వైద్య ఆరోగ్య మంత్రి డాక్టర్ లక్ష్మారెడ్డి హెచ్చరించారు. ఆయా ఆస్పత్రులను సీజ్ చేస్తామన్నారు. ఇప్పటికే మహబూబ్‌నగర్ జిల్లాలో ఆరు ఆస్పత్రులను సీజ్ చేసినట్టు చెప్పారు. ఆస్పత్రుల్లో చేసే ఆపరేషన్లకు సంబంధించిన వివరాలు ప్రతి నెలా తప్పని సరిగా పంపాల్సిందేనని చెప్పారు.

ధర్మవరం: ధర్మవరం మండలం చిగిచెర్ల గ్రామానికి చెందిన రైతు పండ్ల సత్యనారాయణ 2015 లో బలవన్మరణం పాలయ్యాడు. తనకున్న 8 ఎకరాల్లో పంటలు సాగు చేశాడు. రెండుసార్లు అరటి పంట వేసినా తీవ్ర నష్టం రావడం, రూ.2.50 లక్షలు ఖర్చు చేసినా చుక్క నీరు పడలేదు. సుమారు రూ.8 లక్షలు అప్పు భారంగా మారింది. ఆత్మహత్యే శరణ్యమైంది. అతని పెద్ద కుమారుడు సూర్యనారాయణ బెంగళూరులో ఉంటున్నాడు.