హైదరాబాద్, మార్చి 4: ఉమ్మడి రాష్ట్రం రెండుగా విడిపోయ అభివృద్ధి చెందుతున్న దశలో రెచ్చగొట్టే విధంగా ఆంధ్ర సిఎం చంద్రబాబు మాట్లాడుతున్నారని గవర్నర్ నరసింహాన్ వద్ద తెలంగాణ సిఎం కె చంద్రశేఖర్‌రావు ఆవేదన వ్యక్తం చేశారు. ఈనెల 10 నుంచి ప్రారంభం కానున్న బడ్జెట్ సమావేశాలకు గవర్నర్‌ను లాంఛనంగా ఆహ్వానించేందుకు కెసిఆర్ శనివారం రాజ్‌భవన్‌కు వెళ్లి గవర్నర్‌తో భేటీ అయ్యారు.

అమరావతి, మార్చి 4: ముఖ్యమంత్రిని అనుచిత పదజాలంతో దూషించిన వ్యవహారంలో ఇప్పటికే ఏడాది సస్పెన్షన్‌కు గురైన వైకాపా ఎమ్మెల్యే రోజాపై పాయకరావుపేట ఎమ్మెల్యే అనిత ఫిర్యాదు అంశంలో మరో ఏడాది సస్పెన్షన్ పొడిగించాలని ప్రివిలేజ్ కమిటీ సిఫార్సు చేసినట్లు సమాచారం. శనివారం వెలగపూడిలోని అసెంబ్లీ భవనంలో చైర్మన్ గొల్లపల్లి సూర్యారావు అధ్యక్షతన జరిగిన సభా హక్కుల సంఘం ఈ మేరకు నిర్ణయం తీసుకున్నట్లు తెలిసింది.

హైదరాబాద్, మార్చి 3: వామపక్షాలు కొత్త ఎత్తుగడలకు పాల్పడుతున్నాయని కేంద్ర పట్టణాభివృద్ధి మంత్రి ఎం వెంకయ్యనాయుడు ఆరోపించారు. శుక్రవారం సాయంత్రం ఆయన పాత్రికేయులతో మాట్లాడుతూ జాతి వ్యతిరేక శక్తులకు వామపక్షాలు వంత పలుకుతున్నాయని చెప్పారు. రాష్టప్రతి పదవికి తాను రేసులో లేనని స్పష్టం చేశారు. పెద్ద నోట్ల రద్దు తర్వాత దేశ ఆర్ధిక వ్యవస్థ పుంజుకుందని చెప్పారు.

నల్లగొండ, మార్చి 3: యాదాద్రి లక్ష్మీనరసింహస్వామి బ్రహ్మోత్సవాల్లో ఐదవ రోజు శుక్రవారం స్వామివారు వటపత్రశాయి ఆలంకార సేవలో పొన్న వాహనంపై విహరించి భక్తులను పులకింపచేశారు. ప్రళయ కాలంలో మరో జగత్తును సృష్టించే క్రమంలో జగత్‌ద్రక్షుడైన స్వామివారు వటపత్రశయనుడైన వేళ.. లక్ష్మీనృసింహుడిని వటపత్రశాయిగా అలంకార సేవ చేసి కోరి న కోరికలు తీర్చే పొన్న (కల్పవృక్షం) వాహనంపై విహరింపచేశారు.