భద్రాచలం, డిసెంబర్ 19: భద్రాద్రి కొత్తగూడెం జిల్లా భద్రాచలంలో రెండు రోజులుగా జరుగుతున్న జాతీయ స్థాయి భద్రాద్రి బాలోత్సవం వేడుకలు సోమవారంతో ముగిశాయి. దేశం నలుమూలల నుంచి వచ్చిన చిన్నారులు తమ ఆటపాటలతో మురిపించారు. బాలల పండగకు విశేష స్పందన లభించింది. సుమారు 2 వేల మంది చిన్నారులు ఈ పోటీల్లో పాల్గొన్నారు.

భద్రాచలం, డిసెంబర్ 19: పక్క రాష్ట్రాలైన చత్తీస్‌గఢ్, ఒడిశాలతో కలిసి పోలవరం ప్రాజెక్టుకు వ్యతిరేకంగా పోరాటం చేస్తామని మహబూబాబాద్ ఎంపి ప్రొఫెసర్ సీతారామ్ నాయక్ చెప్పారు. సోమవారం ఆయన ఇక్కడ విలేఖర్లతో మాట్లాడుతూ గిరిజనుల హక్కులు, మనోభావాలకు భిన్నంగా ప్రాజెక్టు నిర్మిస్తున్నారని ధ్వజమెత్తారు.

విజయనగరం, డిసెంబర్ 19: రాష్ట్రానికి ప్రత్యేక హోదా వస్తేనే యువతకు ఉపాధి అవకాశాలు లభిస్తాయని వైకాపా అధినేత జగన్మోహన్‌రెడ్డి అన్నారు. ప్రత్యేక హోదా కోసం అందరూ కలసికట్టుగా గళం విప్పాలని పిలుపునిచ్చారు. ప్రత్యేక హోదాతో మరో ఉద్యోగ విప్లవం సాధ్యమవుతుందని అభిప్రాయపడ్డారు.

విజయవాడ, డిసెంబర్ 19: కడప జిల్లా గండికోట రిజర్వాయరు నిర్వాసితులకు 479 కోట్ల రూపాయలతో ప్యాకేజీ అందచేయనున్నట్లు జలవనరుల మంత్రి దేవినేని ఉమామహేశ్వరరావు తెలిపారు. సంక్రాంతికి ముందే పులివెందుల, జమ్మలమడుగు, ప్రొద్దుటూరు, కడపలోని కొన్ని ప్రాంతాలకు కృష్టా జలాల్ని అందుబాటులోకి తేనున్నట్లు ప్రకటించారు. ఈ నెల 29న పురుషోత్తంపురం, జనవరి 2న మచ్చుమర్రి ఎత్తిపోతల పథకాలకు శంకుస్థాపన చేయనున్నట్లు వెల్లడించారు.