తెనాలి, డిసెంబర్ 16: తెలుగుతల్లి విగ్రహ శిల్పకళా సృష్టికర్త, వేమూరు వాస్తవ్యులు దేవు శంకర్ గురువారం రాత్రి కన్నుమూశారు. శిల్పరత్న దేవు మహమ్మయాచారి రెండవ కుమారుడు శంకర్. వీరి సంతతి ఆరు తరాలుగా శిల్పకళలో తరిస్తోంది. శంకర్‌కు ఇద్దరు కుమారులు, ఓ కుమార్తె ఉన్నారు. శంకర్ బాల్యం నుండి తండ్రి వద్ద శిల్పకళను అభ్యశించారు. గత 65సంవత్సరాలుగా శిల్పకళలో ప్రావీణ్యత పొందారు.

నరసరావుపేట, డిసెంబర్ 16: రాష్ట్రంలో చంద్రబాబునాయుడి పాలన అబద్ధాలమయమైందని ప్రతిపక్ష నేత, వైయస్సార్‌సీపీ అధినేత వైఎస్ జగన్మోహన్‌రెడ్డి తీవ్రంగా విమర్శించారు. గుంటూరు జిల్లా నరసరావుపేటలో శుక్రవారం మాజీ మంత్రి కాసు వెంకటకృష్ణారెడ్డి తనయుడు కాసు మహేశ్‌రెడ్డి వైయస్సార్‌సీపీ చేరుతున్న సందర్భంగా ఏర్పాటు చేసిన బహిరంగ సభలో ఆయన మాట్లాడారు. ఈ సభకు జిల్లా కన్వీనర్ మర్రి రాజశేఖర్ అధ్యక్షత వహించారు.

హైదరాబాద్, డిసెంబర్ 15: తెలంగాణ సదరన్ పవర్ డిస్ట్రిబ్యూషన్ కంపెనీకి ప్రతిష్టాకరమైన స్కోచ్ అవార్డులు లభించాయి. అత్యుత్తమ విద్యుత్ విధానాలను పాటించినందుకు స్కోచ్ మెరిట్ అవార్డు, స్మార్ట్ టెక్నాలజీని అవలంభించినందుకు స్కోచ్ టెక్నాలజీ అవార్డు లభించింది. ఈ అవార్డును గురువారం ఢిల్లీలో జరిగిన ఒక కార్యక్రమంలో సదరన్ డిస్కాం సిఎండి రఘుమారెడ్డి స్వీకరించారు.

హైదరాబాద్, డిసెంబర్ 15: శాసనసభా, శాసనమండలి సమావేశాలు ముగిసే వరకు అధికారులు పర్యటనలు, సెలవులు రద్దు చేసుకుని అందుబాటులో ఉండాలని ప్రభుత్వ ప్రధాన కార్యదర్శి ప్రదీప్ చంద్ర ఆదేశించారు. శీతాకాల శాసనసభా, శాసనమండలి సమావేశాలు శుక్రవారం ప్రారంభం కానున్న నేపథ్యంలో గురువారం శాఖాధిపతులతో ప్రదీప్ చంద్ర సమావేశమయ్యారు.