విజయవాడ (క్రైం), డిసెంబర్ 23: వచ్చే ఎన్నికల్లో రాష్ట్రంలోని 175 నియోజకవర్గాలను తెలుగుదేశం పార్టీ కైవసం చేసుకుంటుందని పార్టీ అధినేత, ముఖ్యమంత్రి చంద్రబాబు నాయుడు అన్నారు. రాష్ట్రంలో జరుగుతున్న అభివృద్ధికి ప్రతిపక్షం అడుగడుగునా అడ్డు తగులుతోందన్నారు. తెలుగుదేశం పార్టీకి రాష్ట్రంలో తిరుగులేదని, ఇటీవల సర్వేల్లో కూడా ఇదే విషయం వెల్లడైందన్నారు.

గుంటూరు, డిసెంబర్ 23: గుంటూరు జిల్లా తెలుగుదేశం పార్టీలో వర్గపోరు ముదురుపాకాన పడింది. జనచైతన్య యాత్రల సందర్భంగా పలు గ్రామాల్లో పార్టీశ్రేణుల నుంచి నిరసన సెగలు ఎదుర్కొన్న మంత్రి రావెలపై అధికార పార్టీకే చెందిన జిల్లా పరిషత్ చైర్‌పర్సన్ జానీమూన్ వివాదాస్పద వ్యాఖ్యలు చేశారు. తనకు మంత్రి రావెల నుంచి ప్రాణహాని ఉందని ఆరోపించారు.

కర్నూలు, డిసెంబర్ 23: ఒకవైపు గిట్టుబాటు ధర లభించక, మరోవైపు దళారుల మాయాజాలంతో కుదేలవుతున్న రైతుల మెడపై ప్రభుత్వం మరో కత్తి పెట్టింది. ప్రభుత్వ అవసరాలకు సేకరించే భూములకు చెల్లించే నష్టపరిహారం సరిపోదని భావించే రైతులు ఇకపై స్థానిక కోర్టులకు వెళ్లే వీలులేని పరిస్థితి ఎదురుకాబోతోంది.

హైదరాబాద్, డిసెంబర్ 22: డబ్బుల కోసం బ్యాంకుల చుట్టూ ప్రదక్షిణలు, ఎటిఎంల వద్ద పడిగాపులు పడాల్సిన కష్టాలు రెండు మూడు రోజులలో పూర్తిగా తీరిపోనున్నాయి. తెలుగు రాష్ట్రాలకు రెండు వారాలకు విడుదల చేయాల్సిన మొత్తాన్ని ఒకే వారానికి విడుదల చేయడంతో గురువారం నుంచే నోట్ల కష్టాలు తగ్గుముఖం పట్టాయి.