హైదరాబాద్: మాజీ ఎంపీ రాయపాటి సాంబశివరావుపై ఎన్‌ఫోర్స్‌మెంట్ డైరక్టరేట్ కేసు నమోదు చేసింది. ట్రాన్స్‌రాయ్ ద్వారా బ్యాంకుల నుంచి రుణాలు తీసుకుని సింగపూర్, మలేసియాకు నిధులు మళ్లించినట్లు ఈడీ అభియోగం నమోదు చేసింది. ఆర్‌బీఐ, విదేశాంగ శాఖ నిబంధనలకు విరుద్థంగా నిధులు మళ్లించారని, ఇతర అవసరాలకు వినియోగించారని సీబీఐ ఆరోపణ.

హైదరాబాద్: కేంద్ర ప్రభుత్వం వివిధ పథకాల కింద కేటాయించిన నిధులను రాష్ట్ర ప్రభుత్వం దుర్వినియోగం చేస్తోందని బీజేపీ రాష్ట్ర అధ్యక్షుడు డాక్టర్ కే లక్ష్మణ్ ఆరోపించారు. తెలంగాణ జర్నలిస్టుల యూనియన్ గురువారం నాడు నిర్వహించిన మీట్ ద ప్రెస్ కార్యక్రమంలో డాక్టర్ లక్ష్మణ్ మాట్లాడారు. ఈ సందర్భంగా ఆయన పలు అంశాల్లో రాష్ట్ర ప్రభుత్వ వైఖరిని దుయ్యబట్టారు.

నెల్లూరు, జనవరి 2: ప్రతి ఏడాదిలానే ఈ ఏడాది కూడా నెల్లూరు జిల్లాలో ఫ్లెమింగో ఫెస్టివల్ సందడి ప్రారంభమైంది. విదేశీ విహంగాల విడిది కేంద్రమైన నెల్లూరు జిల్లా సూళ్లూరుపేట సమీపంలోని నేలపట్టులో శుక్రవారం నుండి మూడు రోజుల పాటు ఫ్లెమింగో ఫెస్టివల్ నిర్వహించనున్నారు. ఫెస్టివల్‌లో భాగంగా సూళ్లూరుపేటలో ఘనంగా ఉత్సవాలను నిర్వహించేందుకు అధికారులు ఏర్పాట్లు చేశారు.

భద్రాచలం టౌన్: భద్రాచలం రామాలయంలో నిర్వహిస్తున్న అధ్యయనోత్సవాల్లో బుధవారం స్వామివారు పరశురామావతారంలో భక్తులకు దర్శనమిచ్చి కనువిందు చేశారు. ఈ రూపంలో ఉన్న స్వామికి తొలుత ఆలయంలో పూజలు చేసి ప్రత్యేకంగా అలంకరించారు. అనంతరం మాడవీధుల్లో ఊరేగింపుగా తీసుకొచ్చి అధ్యయనోత్సవ వేదిక వద్ద ఆసీనులను చేశారు. అక్కడ స్వామి దర్శనం కోసం భక్తులు బారులు తీరారు.