యాదగిరిగుట్ట, డిసెంబర్ 30: యాదాద్రి శ్రీ లక్ష్మీనరసింహస్వామి ఆలయ అభివృద్ధి పనుల్లో భాగంగా గర్భాలయం గోడలపై ప్రహ్లాద, నృసింహ చరిత్రలకు సంబంధించిన ఘట్టాలను తెలిపేలా లోహాలతో రూపొందించిన చిత్ర ఫలకలను అమర్చే పనులు ముమ్మరంగా కొనసాగుతున్నాయి. ప్రధానాలయంలో వివిధ పురణా, ఇతీహాస చరిత్రలు తెలిపే శిల్పాలు, దేవతామూర్తుల రాతి శిల్పాలు ఇప్పటికే తీర్చిదిద్ధారు.

హైదరాబాద్/గచ్చిబౌలి: పౌరసత్వ సవరణ చట్టం (సీఏఏ), జాతీయ పౌర పట్టిక (ఎన్‌ఆర్‌సీ), జాతీయ జనాభా పట్టిక (ఎన్‌పీఆర్) అంశాలపై దేశ వ్యాప్తంగా నిర్మాణాత్మకంగా, కూలంకషంగా చర్చ జరగాలని, ప్రజలు కూడా వీటిపై లోతుగా అధ్యయనం చేయాలని ఉపరాష్ట్రపతి ఎం వెంకయ్యనాయుడు అన్నారు. ఆదివారం ఇక్కడ దివంగత మాజీ ముఖ్యమంత్రి డాక్టర్ మర్రి చెన్నారెడ్డి శత జయంతి ఉత్సవాలను ఆయన ప్రారంభించారు.

నార్సింగి (హైదరాబాద్), డిసెంబర్ 29: సరస్వతీ శిశుమందిరాల్లో విద్యాభ్యాసం పూర్తిచేసిన విద్యార్థులు స్వలాభం కోసం కాకుండా దేశం, సమాజం కోసం పనిచేయాలని ఆర్‌ఎస్‌ఎస్ చీఫ్ డాక్టర్ మోహన్ భగవత్ హితవు పలికారు. హైదరాబాద్ బండ్లగూడలోని శారదాధామంలో ఆదివారం సరస్వతీ విద్యాపీఠం పూర్వవిద్యార్థుల మహా సమ్మేళనానికి ఆయన ముఖ్య అతిధిగా హాజరయ్యారు.

హైదరాబాద్: సంక్రాంతి పండుగ సందర్భంగా సొంత ఊళ్లకు బయలుదేరుతున్న నగరవాసులకు దక్షిణ మధ్య రైల్వే 133 ప్రత్యేక రైళ్లను అందుబాటులోకి తీసుకువచ్చింది. అయితే సామాన్యులకు అందుబాటులో ఉండే జనసాధరన రైళ్లను నడపడంలేదు. దీంతో మధ్య తరగతి, వ్యవసాయ కూళీలు పెంచిన రైల్వే చార్జీలను ఎలా భరిస్తామని ఆందోళన చెందుతున్నారు.