హైదరాబాద్, నవంబర్ 8: ఎస్సీ, ఎస్టీ వర్గాల్లోని కిషోర బాలికల భద్రత, రక్షణకు మార్గదర్శకాలను తెలంగాణ ప్రభుత్వం విడదల చేసింది. ఇందుకు అవసరమైన శిక్షణను ఇవ్వడం, సంబంధిత లక్ష్యాలను వెల్లడించింది. ఎస్సీ, ఎస్టీల్లోని 13 నుంచి 21 ఏళ్ల లోపు వయస్సు ఉన్న అవివాహిత కిషోర బాలికలు ఎక్కడెక్కడ పాఠశాల విద్య మానివేసి ఉన్నారో ఆయా అంగన్‌వాడీల ద్వారా గుర్తించాలని ప్రభుత్వం తెలిపింది.

హైదరాబాద్, నవంబర్ 8: తెలంగాణ డైరెక్టర్ జనరల్ ఆఫ్ పోలీస్ అనురాగ్ శర్మ పదవీ కాలం ఈనెల 12తో ముగియనుంది. మూడున్నరేళ్లు డీజీపీగా బాధ్యతలు నిర్వర్తించిన ఆయన ఆదివారం పదవీ విరమణ చేయనున్నారు. ఈ సందర్భంగా డీజీపీ అనురాగ్ శర్మ బుధవారం కాస్సేపు మీడియాతో మాట్లాడారు.

హైదరాబాద్, నవంబర్ 8: కల్వకుర్తి ఎమ్మెల్యే వంశీచందర్‌రెడ్డి ఏ మాత్రం ఆత్మగౌరవం లేని చీడ పురుగని టిఆర్‌ఎస్ అచ్చంపేట ఎమ్మెల్యే గువ్వల బాల్‌రాజు ఆగ్రహం వ్యక్తం చేసారు. మంత్రి కెటిఆర్‌ను విమర్శించే స్థాయి వంశీచందర్‌రెడ్డికి లేదన్నారు. నోరు అదుపులో పెట్టుకోకపోతే కల్వకుర్తి ప్రజలే ఆయనకు తగిన బుద్ధి చెబుతారని హెచ్చరించారు.

హైదరాబాద్, నవంబర్ 8: దేశంలో ఏ రాష్ట్రం చేయని సాహసం తెలంగాణ చేస్తోందని, రైతులకు 24 గంటలపాటు నాణ్యమైన ఉచిత విద్యుత్ సరఫరాతో సరికొత్త రికార్డు నెలకొల్పుతోందని సీఎం కె చంద్రశేఖరరావు ప్రకటించారు. విద్యుత్ రంగానికి సంబంధించి అన్నివిధాలా కొత్త సంస్కరణలు తీసుకొస్తున్నట్టు ప్రకటించారు. కొత్త సబ్‌స్టేషన్ల ఏర్పాటు, కొత్త లైన్ల నిర్మాణం, అదనపు ఉత్పాదక కేంద్రాలు నెలకొల్పుతున్నామని ప్రకటించారు.