హైదరాబాద్, నవంబర్ 9: చేనేత , మరమగ్గాల కార్మికుల సంక్షేమానికి ప్రభుత్వం అనేక కార్యక్రమాలను చేపట్టిందని, ఇందుకోసం ప్రభుత్వం బడ్జెట్‌లో 1270 కోట్ల రూపాయిలు కేటాయించిందని ఐటి మంత్రి కె తారకరామారావు చెప్పారు. చేనేత కార్మికులను ఆదుకున్న అంశంపై ఆయన గురువారం నాడు శాసనసభలో ఒక ప్రకటన చేశారు. ఆధునికతను అందిపుచ్చుకోవడంలో లోపంతో చేనేత రంగం తీవ్రంగా ప్రభావితం అయిందని అన్నారు.

హైదరాబాద్, నవంబర్ 9: ఉగ్రవాదాన్ని టెక్నాలజీతోనే అణచివేశామని తెలంగాణ డీజీపీ అనురాగ్ శర్మ తెలిపారు. పోలీస్ శాఖలో ప్రజల సహకారంతోనే తన సేవలు విజయవంతమయ్యాయని డీజీపీ అనురాగ్ శర్మ వెల్లడించారు. గురువారం ఆయన విలేకరుల ఇష్టాగోష్ఠిలో మాట్లాడారు. తెలంగాణ ప్రజలు తనను ఎంతో ఆదరించారని, ఏ పండుగలైనా, ఎలాంటి వేడుకలైనా సామరస్యంగా జరుపుకుంటూ శాంతిభద్రతలకు విఘాతం కలుగకుండా సహకరించారన్నారు.

హైదరాబాద్, నవంబర్ 9: కాంగ్రెస్ హయాంలో ప్రాజెక్టులన్నీ పెండింగ్‌లో ఉంటే తమ హయాంలో రన్నింగ్‌లోకి వచ్చాయని నీటిపారుదలశాఖ మంత్రి టి హరీశ్‌రావు అన్నారు. కాంగ్రెస్ అధికారంలోకి వచ్చుంటే ప్రాజెక్టులు పూర్తి అయ్యేవా? నీళ్లు వచ్చి ఉండేవా? అని మంత్రి ప్రశ్నించారు. తెలంగాణ భవన్‌లో గురువారం మహబూబ్‌నగర్ జిల్లాకు చెందిన కాంగ్రెస్, టిడిపి నేతలు, కార్యకర్తలు మంత్రి హరీశ్‌రావు సమక్షంలో టిఆర్‌ఎస్‌లో చేరారు.

హైదరాబాద్, నవంబర్ 9: పేదల సొంతింటి కలను నిజం చేసేందుకు ఒక్క హైదరాబాద్ నగరంలో ప్రతిపాదించిన లక్ష డబుల్ బెడ్ రూం ఇళ్లకు టెండర్ల ప్రక్రియ పూర్తయినట్లు మున్సిపల్ శాఖ మంత్రి కె. తారకరామారావు వెల్లడించారు. గురువారం ఆయన జలమండలి కార్యాలయంలో అధికారులతో సమీక్షా సమావేశాన్ని నిర్వహించారు. ఈ సందర్భంగా ఆయన మాట్లాడుతూ టెండర్లు పూర్తయిన మొత్తం ఇళ్లను నిర్దేశిత లక్ష్యంతో ఏడాదిలోగా నిర్మించనున్నట్లు తెలిపారు.